12.82C Vancouver 12.82C VancouverMar 18, 2022 10:21 PM - Connect News
ਵੈਨਕੂਵਰ 'ਚ ਇੱਕ ਸਕਾਈ ਟਰੇਨ ਸਟੇਸ਼ਨ 'ਤੇ ਇੱਕ ਆਦਮੀ 'ਤੇ ਹੋਏ ਹਮਲੇ ਤੋਂ ਕਰੀਬ 3 ਹਫ਼ਤੇ ਬਾਅਦ ਹੁਣ ਵੈਨਕੂਵਰ ਪੁਲਿਸ ਨੇ ਪੂਰੀ ਘਟਨਾ ਦੀ ਵੀਡੀਓ ਜਾਰੀ ਕੀਤੀ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਪਬਲਿਕ ਉਨ੍ਹਾਂ ਨੂੰ ਸ਼ੱਕੀ ਦੀ ਪਛਾਣ ਕਰਨ 'ਚ ਮਦਦ ਕਰੇ।
ਵੈਨਕੂਵਰ ਪੁਲਿਸ ਦਾ ਕਹਿਣਾ ਸੀ ਕਿ ਪੀੜਤ ਦੀ ਉਮਰ 61 ਸਾਲ ਸੀ।
1 ਮਾਰਚ ਨੂੰ ਪੀੜਤ ਤਕ ਸ਼ਾਮ ਕਰੀਬ 5.30 ਵਜੇ 2 ਲੋਕਾਂ ਨੇ ਪਹੁੰਚ ਕੀਤੀ ਸੀ।
ਥੋੜੇ ਸਮੇਂ ਦੀ ਗੱਲਬਾਤ ਤੋਂ ਬਾਅਦ ਦੋਵਾਂ ਵਿੱਚੋਂ ਇੱਕ ਆਦਮੀ ਨੇ ਪੀੜਤ ਦਾ ਪਿੱਛਾ ਕੀਤਾ ਅਤੇ ਗ੍ਰੈਨਵਿਲ ਸਕਾਈਟਰੇਨ ਸਟੇਸ਼ਨ 'ਤੇ ਉਸ 'ਤੇ ਹਮਲਾ ਕਰ ਦਿੱਤਾ।
ਪੁਲਿਸ ਨੇ ਵੀਡੀਓ ਜਾਰੀ ਕੀਤਾ ਜਿਸ 'ਚ ਸ਼ੱਕੀ ਆਦਮੀ ਨੂੰ ਪੀੜਤ ਨੂੰ ਪੌੜੀਆਂ ਤੋਂ ਹੇਠਾਂ ਧਕਦੇ ਵੇਖਿਆ ਜਾ ਸਕਦਾ ਹੈ।
ਇਸ ਤੋਂ ਬਾਅਦ ਸ਼ੱਕੀ ਨੇ ਪੀੜਤ 'ਤੇ ਲੱਤਾਂ ਨਾਲ ਹਮਲਾ ਕੀਤਾ ਪਰ ਇੱਕ ਵਿਅਕਤੀ ਨੇ ਪੀੜਤ ਦੇ ਬਚਾਅ ਲਈ ਪਹੁੰਚ ਕੀਤੀ ਅਤੇ ਸ਼ੱਕੀ ਨੂੰ ਹਮਲੇ ਤੋਂ ਰੋਕਿਆ।
ਪੀੜਤ ਨੂੰ ਗੰਭੀਰ ਸੱਟਾਂ ਲੱਗਣ ਤੋਂ ਬਚਾਅ ਰਿਹਾ।
ਜਾਂਚ ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਹਮਲਾਵਰ ਅਤੇ ਪੀੜਤ ਇੱਕ-ਦੂਜੇ ਨੂੰ ਜਾਣਦੇ ਨਹੀਂ ਸਨ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਕਿਹਾ ਕਿ ਘਟਨਾ ਮੌਕੇ ਕਈ ਲੋਕ ਮੌਜੂਦ ਸਨ ਅਤੇ ਉਨ੍ਹਾਂ ਅਪੀਲ ਕੀਤੀ ਕਿ ਜਾਣਕਾਰੀ ਰੱਖਣ ਵਾਲੇ ਪੁਲਿਸ ਨਾਲ ਸੰਪਰਕ ਕਰਨ।
ਵੀਡੀਓ ਵੇਖਣ ਲਈ ਲਿੰਕ ਕਲਿਕ ਕਰੋ:
https://vpd.ca/news/2022/03/18/vpd-investigates-random-assault-at-downtown-skytrain-station/
