18.04C Vancouver 18.04C VancouverJun 20, 2022 10:20 PM - Connect News
ਵੈਨਕੂਵਰ 'ਚ ਵੱਡੇ ਚਾਕੂ ਜਿਹੇ ਹਥਿਆਰ ਨਾਲ ਹਮਲੇ ਦੀ ਘਟਨਾ ਵਾਪਰੀ ਹੈ।
ਘਟਨਾ 'ਚ 2 ਲੋਕਾਂ ਨੂੰ ਜਖਮੀ ਹਾਲਤ 'ਚ ਹਸਪਤਾਲ ਪਹੁੰਚਾਇਆ ਗਿਆ।
ਪੁਲਿਸ ਅਨੁਸਾਰ ਐਤਵਾਰ ਨੂੰ ਡਾਊਨਟਾਊਨ ਈਸਟਸਾਈਡ ਇਲਾਕੇ 'ਚ ਇੱਕ ਅਣਜਾਣ ਵਿਅਕਤੀ ਨੇ 2 ਲੋਕਾਂ ਨੂੰ ਹਮਲੇ ਦਾ ਨਿਸ਼ਾਨਾ ਬਣਾਇਆ।
ਸ਼ਾਮ ਕਰੀਬ 7 ਵਜੇ ਵੈਨਕੂਵਰ ਪੁਲਿਸ ਦੇ ਇੱਕ ਪੈਟਰੋਲ ਅਫ਼ਸਰ ਨੂੰ ਕਿਸੇ ਵਿਅਕਤੀ ਕੋਲ ਹਥਿਆਰ ਹੋਣ ਸੰਬੰਧੀ ਜਾਣਕਾਰੀ ਮਿਲੀ ਸੀ।
ਅਫ਼ਸਰ ਨੇ ਇਲਾਕੇ 'ਚ ਪਹੁੰਚ ਕੀਤੀ ਤਾਂ ਪਤਾ ਲੱਗਿਆ ਕਿ ਟੈਕਸੀ 'ਚ ਸਮਾਨ ਰੱਖਦੇ 2 ਲੋਕਾਂ 'ਤੇ ਹਮਲਾ ਕੀਤਾ ਗਿਆ ਸੀ।
ਹਮਲੇ 'ਚ ਦੋਵਾਂ ਪੀੜਤਾਂ ਦੇ ਸਿਰ ਅਤੇ ਹੱਥਾਂ 'ਤੇ ਸੱਟਾਂ ਲੱਗੀਆਂ ਅਤੇ ਦੋਵਾਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਸ਼ੱਕੀ ਵਿਅਕਤੀ ਦੀ ਪਛਾਣ ਹੋਣਾ ਬਾਕੀ ਹੈ ਪਰ ਹਮਲਾਵਰ ਦੀ ਉਮਰ 40 ਤੋਂ 50 ਸਾਲ ਦਰਮਿਆਨ ਮੰਨੀ ਜਾ ਰਹੀ ਹੈ।
