9.47C Vancouver 9.47C VancouverJan 20, 2022 10:23 PM - Connect News
ਵੈਨਕੂਵਰ ਦੇ ਡਾਊਨਟਾਊਨ ਈਸਟਸਾਈਡ ਇਲਾਕੇ 'ਚ ਵਾਪਰੀਆਂ ਚਾਕੂ ਨਾਲ ਹਮਲੇ ਦੀਆਂ ਵਾਰਦਾਤਾਂ 'ਚ 4 ਲੋਕ ਜਖਮੀ ਹੋ ਗਏ ਹਨ।
ਪੁਲਿਸ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ ਕਿ ਚਾਰੇ ਮਾਮਲੇ ਇੱਕ-ਦੂਜੇ ਨਾਲ ਸੰਬੰਧਤ ਤਾਂ ਨਹੀਂ ਹਨ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਘਟਨਾਵਾਂ ਦੀ ਸ਼ੁਰੂਆਤ ਬੁੱਧਵਾਰ ਤੜਕੇ ਕਰੀਬ 4.30 ਵਜੇ ਹੋਈ ਅਤੇ ਆਖਰੀ ਮਾਮਲਾ ਕਰੀਬ 13 ਘੰਟੇ ਬਾਅਦ ਰਿਪੋਰਟ ਹੋਇਆ।
ਪੀੜਤਾਂ 'ਚ 3 ਲੋਕਾਂ ਦੇ ਚਿਹਰੇ ਜਾਂ ਸਿਰ 'ਤੇ ਚਾਕੂ ਨਾਲ ਵਾਰ ਕੀਤਾ ਗਿਆ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਦੱਸਿਆ ਕਿ ਮਾਮਲੇ 'ਚ ਫਿਲਹਾਲ ਕਿਸੇ ਦੀ ਗ੍ਰਿਫਤਾਰੀ ਨਹੀਂ ਹੋਈ ਹੈ।
ਘਟਨਾਵਾਂ ਪਿੱਛੇ ਦੇ ਕਾਰਨ ਬਾਰੇ ਵੀ ਫਿਲਹਾਲ ਕੋਈ ਜਾਣਕਾਰੀ ਸਪਸ਼ਟ ਨਹੀਂ ਹੋਈ ਹੈ।
ਪਹਿਲੇ ਪੀੜਤ ਬਾਰੇ ਦੱਸਿਆ ਗਿਆ ਕਿ ਇੱਕ ਵਿਅਕਤੀ ਚਿਹਰੇ 'ਤੇ ਚਾਕੂ ਨਾਲ ਹਮਲੇ ਕਾਰਨ ਵੱਡੇ ਟੱਕ ਨਾਲ ਮੇਨ ਅਤੇ ਹੇਸਟਿੰਗਸ ਸਟ੍ਰੀਟ ਕੋਲ ਇੱਕ ਸਟੋਰ 'ਚ ਦਾਖਿਲ ਹੋਇਆ।
ਇਸੇ ਇਲਾਕੇ 'ਚ ਇੱਕ ਝਗੜੇ ਦੌਰਾਨ ਦੁਪਹਿਰ ਕਰੀਬ 1.30 ਵਜੇ ਇੱਕ ਵਿਅਕਤੀ ਦੇ ਚਿਹਰੇ ਅਤੇ ਇੱਕ ਦੇ ਸਿਰ ਅਤੇ ਢਿੱਡ 'ਚ ਚਾਕੂ ਨਾਲ ਵਾਰ ਕੀਤੇ ਗਏ।
ਇਸ ਮਾਮਲੇ 'ਚ ਹਮਲਾਵਰ ਨੂੰ ਇੰਡੀਜਨਸ ਮੂਲ ਦਾ 5'8" ਦੇ ਕਰੀਬ ਦਾ ਵਿਅਕਤੀ ਦੱਸਿਆ ਗਿਆ।
ਆਖਰੀ ਪੀੜਤ ਬਾਰੇ ਦੱਸਿਆ ਗਿਆ ਕਿ ਸ਼ਾਮ ਕਰੀਬ 6 ਵਜੇ ਕੌਰਡੋਵਾ ਅਤੇ ਕੋਲੰਬੀਆ ਸਟ੍ਰੀਟਸ ਦੇ ਕੋਲ ਇੱਕ ਅਪਾਰਟਮੈਂਟ 'ਚ ਇੱਕ ਵਿਅਕਤੀ ਜਖਮੀ ਹਾਲਤ 'ਚ ਮਿਲਿਆ ਅਤੇ ਉਸ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਕਿਸੇ ਕੋਲ ਘਟਨਾ ਦੀ ਕੋਈ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
