9.33C Vancouver 9.33C VancouverAug 16, 2022 12:58 AM - Connect News
ਵੈਨਕੂਵਰ ਦੇ ਈਸਟ ਹੇਸਟਿੰਗਸ ਇਲਾਕੇ 'ਚ ਗਲੀਆਂ 'ਚ ਟੈਂਟਾਂ 'ਚ ਰਹਿੰਦੇ ਲੋਕਾਂ ਤਕ ਇੱਕ ਪ੍ਰੇਸ਼ਾਨ ਕਰਨ ਵਾਲਾ ਨੋਟ ਸਰਕੂਲੇਟ ਹੋ ਰਿਹਾ ਹੈ।
ਇਸ 'ਚ ਬੇਘਰ ਲੋਕਾਂ ਦੇ ਟੈਂਟਾਂ ਅਤੇ ਉਨ੍ਹਾਂ ਦੇ ਸਾਮਾਨ ਨੂੰ ਅੱਗ ਦੇ ਹਵਾਲੇ ਕਰਨ ਦੀ ਗੱਲ ਆਖੀ ਗਈ ਹੈ।
ਕਈ ਜਗ੍ਹਾ ਇਸ ਨੋਟਿਸ ਨੂੰ ਟੇਪ ਨਾਲ ਚਿਪਕਾ ਦਿੱਤਾ ਗਿਆ ਹੈ।
ਪੁਲਿਸ ਨੇ ਮਾਮਲੇ ਸੰਬੰਧੀ ਪੁਸ਼ਟੀ ਕਰ ਦਿੱਤੀ ਹੈ।
ਪੁਲਿਸ ਨੋਟਿਸ ਸੰਬੰਧੀ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
ਇਲਾਕੇ ਦੇ ਕੈਂਪਸ ਵਿੱਚ ਸੈਂਕੜੇ ਬੇਘਰ ਲੋਕ ਰਹਿੰਦੇ ਹਨ ਅਤੇ ਇਲਾਕੇ 'ਚ ਟੈਂਟਾਂ ਨੂੰ ਹਟਾਉਣ ਦੀ ਅਰੰਭੀ ਗਈ ਪ੍ਰੀਕਿਰਿਆ ਵੀ ਫਿਲਹਾਲ ਰੋਕੀ ਜਾ ਚੁੱਕੀ ਹੈ।
ਇਸ ਦੀ ਮੁੱਖ ਵਜ੍ਹਾ ਆਲਟਰਨੇਟਿਵ ਸ਼ੈਲਟਰਸ ਦੀ ਕਮੀ ਦੱਸੀ ਗਈ ਹੈ।
ਓਵਰਡੋਜ ਪ੍ਰਿਵੈਂਸ਼ਨ ਸੋਸਾਈਟੀ ਨਾਲ ਗ੍ਰੈਫੀਟੀ ਆਰਟਿਸਟ ਦੇ ਤੌਰ 'ਤੇ ਕੰਮ ਕਰਨ ਵਾਲੇ ਟਰੇ ਹੈਲਟਨ ਨੇ ਇਸ ਨੋਟਿਸ ਸੰਬੰਧੀ ਤਸਵੀਰ ਸੋਮਵਾਰ ਨੂੰ ਸਾਂਝੀ ਕੀਤੀ।
ਇਸ ਨੋਟ 'ਚ ਲਿਖਿਆ ਹੈ ਕਿ ਟੈਂਟਸ ਅਤੇ ਸਾਮਾਨ ਨੂੰ ਗੈਸ ਛਿੜਕ ਕੇ ਅੱਗ ਲਗਾ ਦਿੱਤੀ ਜਾਵੇਗੀ।
ਇਸ 'ਚ ਇਹ ਵੀ ਲਿਖਿਆ ਹੈ ਕਿ ਇਲਾਕੇ 'ਚ ਰਹਿਣ ਵਾਲੇ ਲੋਕ ਤੁਹਾਨੂੰ ਇਸ ਕਮਿਊਨਿਟੀ ਦਾ ਹੋਰ ਨੁਕਸਾਨ ਨਹੀਂ ਕਰਨ ਦੇਣਗੇ।
ਇਸ 'ਚ 7 ਦਿਨ ਦਾ ਨੋਟਿਸ ਦਿੱਤਾ ਗਿਆ ਹੈ।
