14.75C Vancouver 14.75C VancouverApr 15, 2021 5:35 PM -
ਵੈਨਕੂਵਰ ਪੁਲਿਸ ਵੱਲੋਂ ਕੀਤੀ ਗਈ ਜਾਂਚ ਤੋਂ ਬਾਅਦ, ਇੱਕ ਸਟਾਕਿੰਗ ਦੇ ਮਾਮਲੇ 'ਚ ਅਪਰਾਧਿਕ ਦੋਸ਼ ਲਗਾਏ ਗਏ ਹਨ।
ਬੁੱਧਵਾਰ ਨੂੰ ਦੋਸ਼ਾਂ ਨੂੰ ਬੀ.ਸੀ. ਪ੍ਰਾਸੀਕਿਊਸ਼ਨ ਸਰਵਿਸ (BC Prosecution Service) ਵੱਲੋਂ ਮਨਜ਼ੂਰ ਕਰ ਲਿਆ ਗਿਆ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਦਾ ਕਹਿਣਾ ਹੈ ਕਿ ਇੱਕ ਔਨਲਾਈਨ ਸਾਂਝੀ ਕੀਤੀ ਗਈ ਵੀਡੀਓ ਤੋਂ ਬਾਅਦ ਇਸ ਮਾਮਲੇ ਦੀ ਸੋਸ਼ਲ ਮੀਡੀਆ 'ਤੇ ਕਾਫੀ ਚਰਚਾ ਹੋਣ ਲੱਗੀ ਸੀ।
ਇੱਕ ਔਰਤ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਸਾਂਝੀ ਕੀਤੀ ਸੀ ਅਤੇ ਪੁਲਿਸ ਨੂੰ ਸ਼ਿਕਾਇਤ ਕੀਤੀ ਸੀ ਕਿ 17 ਮਾਰਚ ਨੂੰ ਵੈਨਕੂਵਰ 'ਚ ਉਸ ਦਾ ਇੱਕ ਵਿਅਕਤੀ ਨੇ ਪਿੱਛਾ ਕੀਤਾ ਸੀ।
ਇਸ ਮਾਮਲੇ 'ਚ 33 ਸਾਲਾ ਮੋਹੰਮਦ ਮਜੀਦਪੁਰ ਨਾਮ ਦੇ ਵਿਅਕਤੀ 'ਤੇ ਅਪਰਾਧਿਕ ਪ੍ਰੇਸ਼ਾਨੀ ਦੇ ਦੋਸ਼ ਲੱਗੇ ਹਨ।
ਜਾਂਚ ਤੋਂ ਬਾਅਦ ਇਸ ਵਿਅਕਤੀ 'ਤੇ ਕੁਝ ਹੋਰ ਮਾਮਲਿਆਂ 'ਚ ਵੀ ਦੋਸ਼ ਲੱਗੇ ਹਨ।
ਇਸ ਵਿਅਕਤੀ 'ਤੇ 13 ਮਾਰਚ ਨੂੰ ਡੰਨਸਮਾਇਰ ਅਤੇ ਗ੍ਰੈਨਵਿਲ ਸਟ੍ਰੀਟਸ ਦੇ ਕੋਲ ਅਪਰਾਧਿਕ ਪ੍ਰੇਸ਼ਾਨੀ ਦੇ ਦੋਸ਼ ਲੱਗੇ ਹਨ।
14 ਮਾਰਚ ਨੂੰ ਬੁਰਾਰਡ ਸਟ੍ਰੀਟ ਦੇ ਕੋਲ ਸਥਿਤ ਹੋਟਲ ਕੋਲ ਸ਼ਰਾਰਤ ਸੰਬੰਧੀ ਦੋਸ਼ ਲੱਗੇ ਹਨ।
16 ਮਾਰਚ ਨੂੰ ਬੁਰਾਰਡ ਸਟ੍ਰੀਟ ਦੇ ਕੋਲ ਇੱਕ ਹੋਟਲ ਸੰਬੰਧੀ 'ਬ੍ਰੇਕ ਐਂਡ ਐਂਟਰ' ਦੇ ਦੋਸ਼ ਲੱਗੇ ਹਨ।
19 ਮਾਰਚ ਨੂੰ ਬਿਊਟ ਅਤੇ ਰੌਬਸਨ ਸਟ੍ਰੀਟ ਦੇ ਕੋਲ ਹਥਿਆਰ ਨਾਲ ਹਮਲੇ ਦੇ ਦੋਸ਼ ਲੱਗੇ ਹਨ।
19 ਮਾਰਚ ਨੂੰ ਬਿਊਟ ਅਤੇ ਰੌਬਸਨ ਸਟ੍ਰੀਟ ਦੇ ਕੋਲ ਧਮਕਾਉਣ ਸੰਬੰਧੀ ਦੋਸ਼ ਲੱਗੇ ਹਨ।
