18.56C Vancouver 18.56C VancouverOct 3, 2022 10:15 PM - Connect News
ਵੈਨਕੂਵਰ ਪੁਲਿਸ ਵੱਲੋਂ ਕੁਝ ਲੋਕਾਂ ਦੀ ਸ਼ਲਾਘਾ ਕੀਤੀ ਜਾ ਰਹੀ ਹੈ ਜਿੰਨਾ ਦੀ ਸੂਝਬੂਝ ਅਤੇ ਫੁਰਤੀ ਕਾਰਨ ਡਾਊਨਟਾਊਨ ਇਲਾਕੇ 'ਚ ਇੱਕ ਔਰਤ ਦਾ ਹਿੰਸਕ ਹਮਲੇ ਤੋਂ ਬਚਾਅ ਰਹਿ ਗਿਆ।
ਸਾਰਜੈਂਟ ਸਟੀਵ ਐਡੀਸਨ ਨੇ ਕਿਹਾ ਕਿ ਕੁਝ ਲੋਕਾਂ ਨੇ ਇੱਕ ਔਰਤ ਦੀ ਮਦਦ ਕੀਤੀ ਜਿਸ 'ਤੇ ਇੱਕ ਅਣਜਾਣ ਵਿਅਕਤੀ ਨੇ ਹਮਲਾ ਕਰ ਦਿੱਤਾ ਸੀ।
ਉਨ੍ਹਾਂ ਕਿਹਾ ਕਿ ਲੋਕਾਂ ਦੀ ਇਸ ਬਹਾਦੁਰੀ ਦੀ ਤਾਰੀਫ ਕਰਨੀ ਬਣਦੀ ਹੈ।
ਪੀੜਤ ਔਰਤ ਦੀ ਉਮਰ 29 ਸਾਲ ਦੱਸੀ ਗਈ ਹੈ।
ਔਰਤ ਨੇ ਡੇਵੀ ਅਤੇ ਹਾਓ ਸਟ੍ਰੀਟ ਦੇ ਇਲਾਕੇ 'ਚ ਸਥਿਤ ਆਪਣੀ ਅਪਾਰਟਮੈਂਟ ਇਮਾਰਤ 'ਚ ਦਾਖਿਲਾ ਲਿਆ ਸੀ ਜਦ ਇੱਕ 19 ਸਾਲਾ ਯੁਵਕ ਉਸ ਦਾ ਪਿੱਛਾ ਕਰਦੇ ਹੋਏ ਅੰਦਰ ਦਾਖਿਲ ਹੋ ਗਿਆ।
ਸ਼ੱਕੀ ਨੇ ਔਰਤ ਨੂੰ ਜੱਫਾ ਪਾ ਲਿਆ ਅਤੇ ਜਮੀਨ 'ਤੇ ਪਟਕਦੇ ਹੋਏ ਉਸ 'ਤੇ ਹਮਲਾ ਕਰ ਦਿੱਤਾ।
ਘਟਨਾ ਐਤਵਾਰ ਸ਼ਾਮ ਕਰੀਬ 6 ਵਜੇ ਵਾਪਰੀ।
ਔਰਤ ਨੇ ਕਿਸੇ ਤਰ੍ਹਾਂ ਆਪਣਾ ਬਚਾਅ ਕੀਤਾ ਅਤੇ ਮੌਕੇ ਤੋਂ ਦੌੜ ਨਿਕਲੀ।
ਸ਼ੱਕੀ ਨੇ ਔਰਤ ਦਾ ਪਿੱਛਾ ਕੀਤਾ ਅਤੇ ਹਮਲੇ ਦੀ ਕੋਸ਼ਿਸ਼ ਜਾਰੀ ਰੱਖੀ ਪਰ ਇਸੇ ਵਿਚਾਲੇ ਕੁਝ ਲੋਕਾਂ ਨੇ ਸ਼ੱਕੀ ਨੂੰ ਕਾਬੂ ਕਰ ਲਿਆ ਅਤੇ ਪੁਲਿਸ ਦੇ ਪਹੁੰਚਣ ਤਕ ਉਸ ਨੂੰ ਦੌੜਨ ਨਹੀਂ ਦਿੱਤਾ।
ਪੀੜਤ ਔਰਤ ਪ੍ਰੇਸ਼ਾਨੀ ਦੀ ਹਾਲਤ 'ਚ ਸੀ ਪਰ ਉਸ ਦਾ ਗੰਭੀਰ ਸੱਟਾਂ ਤੋਂ ਬਚਾਅ ਰਿਹਾ।
ਇਸ ਮਾਮਲੇ 'ਚ ਬ੍ਰਾਇਸ ਮਾਈਕਲ ਫਲੋਰਸ ਬੈਬਿੰਗਟਨ 'ਤੇ ਹਮਲੇ ਅਤੇ ਧਮਕੀਆਂ ਦੇ ਦੋਸ਼ ਲੱਗੇ ਹਨ।
