23.24C Vancouver 23.24C VancouverApr 5, 2022 11:06 PM - Connect News
ਈਸਟ ਵੈਨਕੂਵਰ 'ਚ ਪੁਲਿਸ ਨੇ ਇੱਕ ਸ਼ੱਕੀ ਡਾਇਲ-ਅ-ਡੋਪਰ ਨੂੰ ਕਾਬੂ ਕੀਤਾ ਹੈ।
ਕਥਿਤ ਤੌਰ 'ਤੇ ਵੈਨਕੂਵਰ ਪੁਲਿਸ ਨੂੰ ਸ਼ੱਕੀ ਕੋਲੋਂ ਇੱਕ ਬੰਦੂਕ, ਕਾਰਤੂਸ ਅਤੇ ਡਰੱਗਸ ਬਰਾਮਦ ਹੋਏ ਹਨ।
ਇਹ ਬਰਾਮਦਗੀ ਇੱਕ ਟਰੈਫਿਕ ਸਟੌਪ ਦੌਰਾਨ ਹੋਈ।
2 ਵੀ.ਪੀ.ਡੀ. ਕਾਂਸਟੇਬਲ ਕਮਰਸ਼ਲ ਡਰਾਈਵ ਅਤੇ ਈਸਟ 4 ਐਵੀਨਿਊ ਕੋਲ ਸੋਮਵਾਰ ਰਾਤ ਕਰੀਬ 8 ਵਜੇ ਪੈਟਰੋਲਿੰਗ ਕਰ ਰਹੇ ਸਨ।
ਇਸੇ ਦੌਰਾਨ ਉਨ੍ਹਾਂ ਇੱਕ ਵਾਹਨ 'ਚ ਬੈਠੇ ਵਿਅਕਤੀ ਨਾਲ ਇੱਕ ਹੋਰ ਵਿਅਕਤੀ ਨੂੰ ਗੱਲ ਕਰਦੇ ਵੇਖਿਆ।
ਅਫਸਰਾਂ ਨੇ ਵਿਅਕਤੀ ਕੋਲ ਪਹੁੰਚ ਕੀਤੀ ਤਾਂ ਖੜੇ ਵਿਅਕਤੀ ਨੇ ਤੁਰਨਾ ਸ਼ੁਰੂ ਕਰ ਦਿੱਤਾ ਅਤੇ ਉਸ ਦੇ ਹੱਥ 'ਚ ਇੱਕ ਝੋਲਾ ਸੀ।
ਅਫਸਰਾਂ ਨੂੰ ਇਸ ਵਿਅਕਤੀ ਕੋਲੋਂ 9mm ਪਿਸਟਲ ਅਤੇ ਕਈ ਪ੍ਰਕਾਰ ਦੇ ਕੰਟਰੋਲਡ ਪਦਾਰਥ ਮਿਲੇ।
27 ਸਾਲਾ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
