ਵੈਨਕੂਵਰ ਪੁਲਿਸ ਨੇ ਸਟੋਰ 'ਚ ਡਕੈਤੀ ਦਾ ਵੀਡੀਓ ਕੀਤਾ ਸਾਂਝਾ; ਲੋਕਾਂ ਨੂੰ ਡਕੈਤਾਂ ਦੀ ਭਾਲ 'ਚ ਮਦਦ ਦੀ ਕੀਤੀ ਅਪੀਲ

ਵੈਨਕੂਵਰ ਪੁਲਿਸ ਨੇ ਲੋਕਾਂ ਨੂੰ ਇੱਕ ਡਕੈਤੀ ਦੇ ਮਾਮਲੇ ਨੂੰ ਸਲੁਝਾਉਣ 'ਚ ਮਦਦ ਦੀ ਅਪੀਲ ਕੀਤੀ ਹੈ।

ਡਕੈਤੀ ਦੀ ਇਹ ਘਟਨਾ ਬੀਤੇ ਸਾਲ ਦਿਸੰਬਰ 'ਚ ਵਾਪਰੀ ਸੀ।

ਪੁਲਿਸ ਵੱਲੋਂ 2 ਨਕਾਬਪੋਸ਼ ਲੋਕਾਂ ਦੀ ਇੱਕ ਵੀਡੀਓ ਜਾਰੀ ਕੀਤੀ ਗਈ ਹੈ।

ਇਹ ਨਕਾਬਪੋਸ਼ ਲੋਕ ਡਾਊਨਟਾਊਨ ਇਲਾਕੇ 'ਚ ਸਥਿਤ ਗੁੱਚੀ ਦੇ ਸਟੋਰ 'ਚ ਦਾਖਿਲ ਹੁੰਦੇ ਵੇਖੇ ਜਾ ਸਕਦੇ ਹਨ।

ਮਾਮਲਾ 9 ਦਿਸੰਬਰ ਦਾ ਦੱਸਿਆ ਗਿਆ ਹੈ।

ਨਕਾਬਪੋਸ਼ ਲੋਕਾਂ ਨੇ ਇੱਕ ਸਟਾਫ਼ ਮੈਂਬਰ 'ਤੇ ਬੇਅਰ ਸਪਰੇ ਛਿੜਕ ਦਿੱਤਾ ਅਤੇ ਕਰੀਬ $20,000 ਦਾ ਮਰਚੈਂਡਾਈਜ ਲੈਕੇ ਰਫੂਚੱਕਰ ਹੋ ਗਏ।

ਪੁਲਿਸ ਨੂੰ ਉਮੀਦ ਹੈ ਕਿ ਕੋਈ ਇਨ੍ਹਾਂ ਡਕੈਤਾਂ ਬਾਰੇ ਜਾਣਕਾਰੀ ਦੇ ਸਕੇ।

ਹਾਲਾਂਕਿ ਪੁਲਿਸ ਨੇ ਇਹ ਸਪਸ਼ਟ ਨਹੀਂ ਕੀਤਾ ਕਿ ਵੀਡੀਓ ਜਾਰੀ ਕਰਨ ਲਈ ਇੰਨਾ ਲੰਮਾ ਸਮਾਂ ਕਿਉਂ ਲਗਾ ਦਿੱਤਾ ਗਿਆ।

ਕਥਿਤ ਤੌਰ 'ਤੇ ਇਹ ਵੀਡੀਓ ਪੁਲਿਸ ਕੋਲ ਜਾਂਚ ਦੇ ਸ਼ੁਰੂਆਤੀ ਸਮੇਂ 'ਚ ਹੀ ਆ ਗਿਆ ਸੀ।

ਜਿਸ ਸਿਕਿਉਰਿਟੀ ਗਾਰਡ 'ਤੇ ਬੇਅਰ ਸਪਰੇ ਛਿੜਕਿਆ ਗਿਆ ਉਸ ਦੀ ਉਮਰ 33 ਸਾਲ ਦੱਸੀ ਗਈ ਹੈ।

ਇਹ ਸਿਕਿਉਰਿਟੀ ਗਾਰਡ ਅਤੇ ਸਟੋਰ ਦੇ 3 ਹੋਰ ਕਰਮਚਾਰੀ ਮੌਕੇ ਤੋਂ ਨਿਕਲ ਗਏ ਸਨ ਅਤੇ ਉਨ੍ਹਾਂ ਨੂੰ ਇਲਾਜ ਪ੍ਰਦਾਨ ਕੀਤਾ ਗਿਆ ਸੀ।

ਪੁਲਿਸ ਅਨੁਸਾਰ ਕਿਸੇ ਵੀ ਪੀੜਤ ਨੂੰ ਗੰਭੀਰ ਸੱਟਾਂ ਲੱਗਣ ਤੋਂ ਬਚਾਅ ਰਿਹਾ ਸੀ।

ਵੀਡੀਓ ਵੇਖਣ ਲਈ ਲਿੰਕ ਕਲਿਕ ਕਰੋ:

https://vpd.ca/news/2022/04/27/vpd-seeks-suspects-in-take-over-robbery/