ਬੁਜ਼ੁਰਗ ਔਰਤ 'ਤੇ ਕੀਤੇ ਹਮਲੇ ਦੇ ਮਾਮਲੇ 'ਚ ਵੈਨਕੂਵਰ ਪੁਲਿਸ ਕਰ ਰਹੀ ਸ਼ੱਕੀ ਦੀ ਭਾਲ

ਵੈਨਕੂਵਰ ਪੁਲਿਸ ਵੱਲੋਂ ਇੱਕ ਆਦਮੀ ਦੀ ਜਾਣਕਾਰੀ ਜਾਰੀ ਕੀਤੀ ਗਈ ਹੈ ਜਿਸ ਦੀ ਭਾਲ ਇੱਕ 70 ਸਾਲਾ ਬੁਜ਼ੁਰਗ ਔਰਤ 'ਤੇ ਕਨਵੀਨੀਐਂਸ ਸਟੋਰ 'ਚ ਹਮਲਾ ਕਰਨ ਦੇ ਮਾਮਲੇ 'ਚ ਕੀਤੀ ਜਾ ਰਹੀ ਹੈ।

ਘਟਨਾ ਬੀਤੇ ਹਫਤੇ ਵਾਪਰੀ ਸੀ। ਮਾਮਲੇ 'ਚ 27 ਸਾਲਾ ਫਾਰਿਓ ਮਾਬੰਜਾ ਦੀ ਭਾਲ ਕੀਤੀ ਜਾ ਰਹੀ ਹੈ।

ਇਸ ਵਿਅਕਤੀ ਦੀ ਸੂਬੇ ਭਰ 'ਚ ਭਾਲ ਜਾਰੀ ਹੈ।

ਇਸ ਵਿਅਕਤੀ ਖਿਲਾਫ ਹਥਿਆਰ ਨਾਲ ਹਮਲੇ, ਜਿਸਮਾਨੀ ਨੁਕਸਾਨ ਪਹੁੰਚਾਉਣ ਵਾਲੇ ਹਮਲੇ ਅਤੇ ਚੋਰੀ ਦੇ ਦੋਸ਼ ਲੱਗੇ ਹਨ।

ਘਟਨਾ 8 ਜਨਵਰੀ ਨੂੰ ਵਾਪਰੀ ਜਦ ਕਥਿਤ ਤੌਰ 'ਤੇ ਬੁਜ਼ੁਰਗ ਔਰਤ ਨੇ ਵਿਅਕਤੀ ਨੂੰ ਚੋਰੀ ਤੋਂ ਰੋਕਣ ਦੀ ਕੋਸ਼ਿਸ਼ ਕੀਤੀ ਸੀ।

ਸ਼ੱਕੀ ਵਿਅਕਤੀ ਦੀ ਤਸਵੀਰ ਵੀ ਜਾਰੀ ਕੀਤੀ ਗਈ ਹੈ।