15.25C Vancouver 15.25C VancouverAug 17, 2021 12:17 AM -
ਵੈਨਕੂਵਰ ਪੁਲਿਸ ਵੱਲੋਂ ਇੱਕ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ ਜਿਸ ਦੌਰਾਨ ਮਾਊਂਟ ਪਲੈਜ਼ੈਂਟ ਦੇ ਇਲਾਕੇ 'ਚ ਇੱਕ ਅਣਜਾਣ ਵਿਅਕਤੀ ਨੇ ਇੱਕ 46 ਸਾਲਾ ਵਿਅਕਤੀ ਦੇ ਗਲੇ 'ਤੇ ਚਾਕੂ ਨਾਲ ਹਮਲਾ ਕੀਤਾ।
ਪੀੜਤ ਵਿਅਕਤੀ ਨੂੰ ਵੈਨਕੂਵਰ ਨਿਵਾਸੀ ਦੱਸਿਆ ਗਿਆ ਹੈ।
ਪੀੜਤ ਨੂੰ ਗੰਭੀਰ ਸੱਟਾਂ ਲੱਗੀਆਂ ਹਨ।
ਘਟਨਾ ਨੂੰ ਕਿਊਬੈਕ ਸਟ੍ਰੀਟ ਅਤੇ ਈਸਟ 10 ਐਵੀਨਿਊ ਦੇ ਕੋਲ ਅੰਜਾਮ ਦਿੱਤਾ ਗਿਆ।
ਦੁਪਹਿਰ ਕਰੀਬ 3 ਵਜੇ ਪੀੜਤ ਦੇ ਪਿੱਛੇ ਤੋਂ ਇੱਕ ਵਿਅਕਤੀ ਆਇਆ ਅਤੇ ਅਚਾਨਕ ਉਸਦੇ ਗਲੇ 'ਤੇ ਚਾਕੂ ਮਾਰ ਦਿੱਤਾ ਅਤੇ ਮੌਕੇ ਤੋਂ ਨਿਕਲ ਗਿਆ।
ਮੌਕੇ 'ਤੇ ਮੌਜੂਦ ਲੋਕਾਂ ਨੇ ਪੀੜਤ ਕੋਲ ਪਹੁੰਚ ਕੀਤੀ ਅਤੇ ਉਸ ਨੂੰ ਮਦਦ ਪ੍ਰਦਾਨ ਕੀਤੀ ਅਤੇ ਪੁਲਿਸ ਨੂੰ ਸੱਦਿਆ।
ਮੌਕੇ 'ਤੇ ਮੌਜੂਦ ਲੋਕਾਂ ਨੇ ਕਥਿਤ ਹਮਲਾਵਰ ਤਕ ਪਹੁੰਚਣ 'ਚ ਪੁਲਿਸ ਦੀ ਮਦਦ ਕੀਤੀ ਜਿਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
ਇਸ ਮਾਮਲੇ 'ਚ ਵੈਨਕੂਵਰ ਦੇ 30 ਸਾਲਾ ਜੈਸੀ ਐਟੀਗ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ ਅਤੇ ਉਸ 'ਤੇ ਕਤਲ ਦੀ ਕੋਸ਼ਿਸ਼ ਦੇ ਇਲਜਾਮ ਲੱਗੇ ਹਨ।
