13.86C Vancouver 13.86C VancouverOct 6, 2021 10:20 PM -
ਵੈਨਕੂਵਰ ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਸ਼ਹਿਰ ਦੇ ਵੈਸਟ ਐਂਡ ਇਲਾਕੇ 'ਚ ਵਾਪਰੇ ਇੱਕ ਹਮਲੇ ਬਾਰੇ ਕੋਈ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਦੱਸਿਆ ਕਿ ਇੱਕ 52 ਸਾਲਾ ਆਦਮੀ ਡੇਵੀ ਅਤੇ ਹਾਓ ਸਟ੍ਰੀਟ ਦੇ ਇਲਾਕੇ 18 ਸਿਤੰਬਰ ਨੂੰ ਸਵੇਰੇ ਕਰੀਬ 5 ਵਜੇ 'ਚ ਤੁਰ ਕੇ ਜਾ ਰਿਹਾ ਸੀ।
ਉਲਟੀ ਦਿਸ਼ਾ ਤੋਂ ਆਉਂਦੇ ਇੱਕ ਅਣਜਾਣ ਵਿਅਕਤੀ ਨੇ ਇਸ ਆਦਮੀ ਨੂੰ ਮੁੱਕਾ ਮਾਰਿਆ।
ਪੀੜਤ ਅਚਾਨਕ ਹੋਏ ਹਮਲੇ ਕਾਰਨ ਸੰਭਲ ਨਹੀਂ ਸਕਿਆ ਅਤੇ ਡਿੱਗ ਗਿਆ।
ਇੱਕ ਟੈਕਸੀ ਚਾਲਕ ਨੇ ਚੁੱਕ ਕੇ ਪੀੜਤ ਨੂੰ ਹਸਪਤਾਲ ਪਹੁੰਚਾਇਆ ਜਿੱਥੇ ਪਤਾ ਲੱਗਿਆ ਕਿ ਉਸ ਦੇ ਜਬਾੜੇ 'ਚ ਫ੍ਰੈਕਚਰ ਆਇਆ ਹੈ।
ਪੀੜਤ ਦੀ ਸਰਜਰੀ ਕੀਤੀ ਗਈ।
ਪੁਲਿਸ ਨੂੰ ਘਟਨਾ ਬਾਰੇ ਕਈ ਦਿਨ ਬਾਅਦ ਰਿਪੋਰਟ ਕੀਤਾ ਗਿਆ।
ਸ਼ੱਕੀ ਦਾ ਕੱਦ ਕਰੀਬ 5'10" ਅਤੇ ਉਸ ਦੇ ਮੋਢੇ ਚੌੜੇ ਅਤੇ ਇਸ ਨੂੰ ਮਜਬੂਤ ਬਣਤਰ ਵਾਲਾ ਵਿਅਕਤੀ ਦੱਸਿਆ ਗਿਆ ਹੈ।
