10.88C Vancouver 10.88C VancouverFeb 12, 2021 10:28 PM -
ਵੈਨਕੂਵਰ ਪੁਲਿਸ ਨੇ 'ਯਿਉ ਸਟ੍ਰੀਟ ਅਤੇ ਵੈਸਟ 37 ਐਵੀਨਿਊ' ਦੇ ਇਲਾਕੇ 'ਚ ਸਥਿਤ ਇੱਕ ਘਰ ਤੋਂ ਵੱਡੀ ਗਿਣਤੀ 'ਚ ਹਥਿਆਰ ਬਰਾਮਦ ਕੀਤੇ ਹਨ।
ਇੱਕ ਘਰੇਲੂ ਵਿਵਾਦ ਦੀ ਜਾਂਚ ਦੌਰਾਨ ਹਥਿਆਰਾਂ ਦੀ ਬਰਾਮਦਗੀ ਹੋਈ। ਮਾਮਲਾ 26 ਜਨਵਰੀ ਦਾ ਦੱਸਿਆ ਗਿਆ ਹੈ।
ਵੀ.ਪੀ.ਡੀ. ਦੀ ਕਾਂਸਟੇਬਲ ਤਾਨੀਆ ਵਿਸਿੰਟਨ ਦਾ ਕਹਿਣਾ ਸੀ ਕਿ 'ਵੱਡੀ ਗਿਣਤੀ 'ਚ ਹਥਿਆਰਾਂ ਦੀ ਬਰਾਮਦਗੀ ਹੋਣਾ ਚਿੰਤਾ ਦਾ ਵਿਸ਼ਾ ਹੈ।'
ਇੱਕ ਪ੍ਰਤਖਦਰਸ਼ੀ ਨੇ 26 ਜਨਵਰੀ ਦੀ ਸਵੇਰ 911 ਕਾਲ ਦੌਰਾਨ ਦੱਸਿਆ ਕਿ ਉਨ੍ਹਾਂ ਕਰੀਬ 45 ਮਿੰਟ ਤੋਂ ਇੱਕ ਔਰਤ ਅਤੇ ਇੱਕ ਆਦਮੀ ਦੇ ਝਗੜਨ ਦੀ ਆਵਾਜ਼ ਸੁਣੀ ਹੈ।
ਮੌਕੇ 'ਤੇ ਪਹੁੰਚੇ ਅਫ਼ਸਰਾਂ ਨੇ ਸ਼ੌਟ ਗਨਸ, ਚਾਕੂ, ਇੱਕ ਟੇਜ਼ਰ, ਰਾਈਫਲ ਕੇਸਿਸ, ਅਸਲਾ, ਪੈਪਰ ਸਪ੍ਰੇਅ ਅਤੇ ਹੋਰ ਹਥਿਆਰ ਵੇਖੇ।
ਇੱਕ ਸਰਚ ਵਾਰੰਟ ਹਾਸਿਲ ਕਰ ਹਥਿਆਰ ਜ਼ਬਤ ਕੀਤੇ ਗਏ ਸਨ।
ਮਾਮਲੇ 'ਚ 37 ਸਾਲਾ ਡੈਰਿਲ ਟੀਲ ਨਾਮ ਦੇ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ।
ਮਾਮਲਾ ਜਾਂਚ ਅਧੀਨ ਹੈ।
