16.49C Vancouver 16.49C VancouverSep 17, 2022 12:38 AM - Connect News
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਹੇਸਟਿੰਗਸ ਸਟ੍ਰੀਟ ਦੀ ਐਨਕੈਂਪਮੈਂਟ ਕੋਲ ਇੱਕ ਟੈਂਟ ਵਿੱਚੋਂ ਅਨੇਕਾਂ ਖਤਰਨਾਕ ਹਥਿਆਰ ਬਰਾਮਦ ਹੋਏ ਹਨ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਕਿਹਾ ਕਿ ਐਨਕੈਂਪਮੈਂਟ 'ਚ ਹਥਿਆਰਾਂ ਅਤੇ ਹਿੰਸਾ 'ਚ ਵਾਧਾ ਹੁੰਦਾ ਵਿਖਾਈ ਦੇ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਇਸ ਨਾਲ ਇੱਕ ਪਾਸੇ ਕਮਿਊਨਿਟੀ ਲਈ ਖਤਰਾ ਖੜਾ ਹੁੰਦਾ ਹੈ ਬਲਕਿ ਹੁਣ ਡਾਊਨਟਾਊਨ ਈਸਟਸਾਈਡ ਦੇ ਵਪਾਰ ਵੀ ਕਹਿਣ ਲੱਗੇ ਹਨ ਕਿ ਉਨ੍ਹਾਂ ਦੇ ਵਰਕਰ ਇਲਾਕੇ 'ਚ ਆਉਣ ਲਈ ਤਿਆਰ ਨਹੀਂ ਹਨ ਕਿਉਂਕਿ ਉਹ ਸੁਰੱਖਿਅਤ ਮਹਿਸੂਸ ਨਹੀਂ ਕਰਦੇ।
ਪੁਲਿਸ ਅਫਸਰਾਂ ਨੂੰ ਇਸੇ ਹਫ਼ਤੇ ਇੱਕ ਟੈਂਟ ਸੰਬੰਧੀ ਜਾਣਕਾਰੀ ਮਿਲੀ ਸੀ ਕਿ ਇਸ ਜਗ੍ਹਾ 'ਤੇ ਗੈਰਕਨੂੰਨੀ ਡਰੱਗਸ ਅਤੇ ਹਥਿਆਰ ਰੱਖੇ ਜਾ ਰਹੇ ਹਨ।
ਜਾਂਚ ਦੌਰਾਨ ਪੁਲਿਸ ਅਫਸਰਾਂ ਨੇ ਇੱਕ ਸ਼ੌਟਗੰਨ, 2 ਰੈਪਲਿਕਾ ਪਿਸਤੌਲ, ਅਸਲਾ, ਬੇਅਰ ਸਪਰੇ ਦੇ 2 ਕੈਨ ਅਤੇ ਕਈ ਤਲਵਾਰਾਂ, ਚਾਕੂ ਆਦਿ ਬਰਾਮਦ ਕੀਤੇ।
ਜਾਣਕਾਰੀ ਦਿੱਤੀ ਗਈ ਕਿ ਮਾਮਲੇ 'ਚ 5 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਮਾਮਲੇ 'ਚ ਜਾਂਚ ਜਾਰੀ ਹੈ।
