17.99C Vancouver 17.99C VancouverJul 14, 2021 9:17 PM -
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਯਕੀਨ ਹੈ ਕਿ ਈਸਟਰ ਐਤਵਾਰ ਨੂੰ ਵਾਪਰੀ ਚਾਕੂ ਚੱਲਣ ਦੀ ਵਾਰਦਾਤ ਵਿੱਚ ਕੋਈ ਚਸ਼ਮਦੀਦ ਮੌਜੂਦ ਰਹੇ ਹੋਣਗੇ।
ਵੈਨਕੂਵਰ ਪੁਲਿਸ ਨੇ ਇਹਨਾਂ ਚਸ਼ਮਦੀਦ ਗਵਾਹਾਂ ਨੂੰ ਸਾਹਮਣੇ ਆਉਣ ਦੀ ਅਪੀਲ ਕੀਤੀ ਹੈ।
ਇਸ ਵਾਰਦਾਤ ਵਿੱਚ 37 ਸਾਲਾ ਰੌਬਿਨਸਨ ਰੱਸ ਦੀ ਮੌਤ ਹੋ ਗਈ ਸੀ।
ਪੀੜਤ ਹਾਇਡਾ ਗਵਾਈ ਇਲਾਕੇ ਦਾ ਵਸਨੀਕ ਦੱਸਿਆ ਗਿਆ ਹੈ।
ਹਾਲਾਂਕਿ ਪੀੜਤ ਵਿਅਕਤੀ ਕਰੀਬ 10 ਸਾਲ ਤੋਂ ਵੈਨਕੂਵਰ 'ਚ ਰਹਿ ਰਿਹਾ ਸੀ।
ਪੀੜਤ ਵੈਨਕੂਵਰ 'ਚ ਡਾਊਨਟਾਊਨ ਈਸਟਸਾਈਡ ਦੇ ਇਲਾਕੇ 'ਚ ਇੱਕ ਨੁੱਕਰ 'ਤੇ ਖੜਾ ਸੀ ਜਦ ਉਸ 'ਤੇ ਹਮਲਾ ਕਰ ਦਿੱਤਾ ਗਿਆ।
ਪੁਲਿਸ ਦਾ ਕਹਿਣਾ ਹੈ ਕਿ ਮੌਕੇ 'ਤੇ ਦਰਜਨਾਂ ਲੋਕ ਮੌਜੂਦ ਸਨ ਅਤੇ ਇਹ ਲੋਕ ਰੱਸ ਦੇ 3 ਬੱਚਿਆਂ ਅਤੇ ਉਸ ਦੇ ਪਰਿਵਾਰ ਨੂੰ ਇਸ ਕਤਲ ਦੀ ਵਾਰਦਾਤ ਤੋਂ ਉਭਰਨ 'ਚ ਮਦਦ ਕਰ ਸਕਦੇ ਹਨ।
ਪੁਲਿਸ ਦਾ ਮੰਨਣਾ ਹੈ ਕਿ ਪਰਿਵਾਰ ਜਾਣਨਾ ਚਾਹੁੰਦਾ ਹੈ ਕਿ ਆਖਿਰ ਰੱਸ ਨਾਲ ਇਹ ਭਿਆਨਕ ਵਾਰਦਾਤ ਕਿਉਂ ਵਾਪਰੀ।
ਪੁਲਿਸ ਨੇ ਜਦ ਲੋਕਾਂ ਨੂੰ ਸਾਹਮਣੇ ਆਉਣ ਦੀ ਅਪੀਲ ਕੀਤੀ ਤਾਂ ਰੱਸ ਦੇ ਪਿਤਾ ਵੀ ਪੁਲਿਸ ਨਾਲ ਮੌਜੂਦ ਸਨ।
