14.75C Vancouver 14.75C VancouverApr 27, 2021 8:23 PM -
ਵੈਨਕੂਵਰ ਪੁਲਿਸ ਵੱਲੋਂ ਇੱਕ ਲੋਕਲ ਆਰਟ ਇੰਸਟਰਕਟਰ ਖਿਲਾਫ਼ ਦੋਸ਼ਾਂ ਦਾ ਐਲਾਨ ਕੀਤਾ ਗਿਆ ਹੈ ਅਤੇ ਸ਼ੱਕੀ ਦੀ ਤਸਵੀਰ ਜਾਰੀ ਕੀਤੀ ਗਈ ਹੈ।
ਕਥਿਤ ਤੌਰ 'ਤੇ ਇਸ ਵਿਅਕਤੀ ਨੇ ਬੀਤੇ ਮਹੀਨੇ ਇੱਕ 9 ਸਾਲਾ ਪੀੜਤ 'ਤੇ ਜਿਨਸੀ ਹਮਲਾ ਕਰ ਦਿੱਤਾ ਸੀ।
ਪੁਲਿਸ ਨੇ ਦੱਸਿਆ ਕਿ ਘਟਨਾ 22 ਮਾਰਚ ਨੂੰ ਵਾਪਰੀ ਸੀ ਅਤੇ ਵਿਦਿਆਰਥਣ 'ਤੇ ਜਿਨਸੀ ਹਮਲਾ ਉਸ ਵੇਲੇ ਹੋਇਆ ਜਦ ਉਹ ਈਸਟ 64 ਐਵੀਨਿਊ (East 64th Avenue) ਅਤੇ ਪ੍ਰਿੰਸ ਐਡਵਰਡ ਆਈਲੈਂਡ (Prince Edward Street) ਕੋਲ ਇੱਕ ਘਰ 'ਚ ਲੈਸਨ ਲੈ ਰਹੀ ਸੀ।
ਸ਼ੱਕੀ ਦੀ ਉਮਰ 50 ਸਾਲ ਅਤੇ ਉਸ ਦਾ ਨਾਮ ਸ਼ਾਓ ਜਾਈ ਚੈਨ (Shao Zhai Chen) ਹੈ।
ਇਸ ਵਿਅਕਤੀ 'ਤੇ ਜਿਨਸੀ ਹਮਲੇ ਦਾ ਇੱਕ ਦੋਸ਼, ਸੈਕਸ਼ੁਅਲ ਇੰਟਰਫੀਅਰੈਂਸ ਦਾ ਇੱਕ ਦੋਸ਼ ਅਤੇ ਜਿਨਸੀ ਛੇੜਛਾੜ ਲਈ ਸੱਦੇ ਦਾ ਇੱਕ ਦੋਸ਼ ਲੱਗਿਆ ਹੈ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਕਿਹਾ ਕਿ ਉਨ੍ਹਾਂ ਨੂੰ ਫਿਕਰ ਹੈ ਕਿ ਹੋਰ ਵੀ ਪੀੜਤ ਹੋ ਸਕਦੇ ਹਨ ਜੋ ਹੁਣ ਤਕ ਸਾਹਮਣੇ ਨਹੀਂ ਆਏ।
ਉਨ੍ਹਾਂ ਕਿਹਾ ਕਿ ਜੇਕਰ ਕਿਸੇ ਹੋਰ ਵਿਦਿਆਰਥੀਆਂ ਕੋਲ ਘਟਨਾ ਸੰਬੰਧੀ ਕੋਈ ਜਾਣਕਾਰੀ ਹੋਵੇ ਤਾਂ ਉਨ੍ਹਾਂ ਨੂੰ ਦੱਸਿਆ ਜਾਵੇ।
