ਸਰਵੇਖਣ :ਸਭ ਤੋਂ ਪ੍ਰਸਿੱਧ ਪ੍ਰੀਮੀਅਰ ਬਣੇ ਵਾਬ ਕਿਨਿਊ,ਡੇਵਿਡ ਈਬੀ ਛੇਵੇਂ ਸਥਾਨ 'ਤੇ

ਐਂਗਸ ਰੀਡ ਵੱਲੋਂ ਕੈਨੇਡਾ ਦੇ ਪ੍ਰੀਮੀਅਰਾਂ ਦੇ ਪ੍ਰਦਰਸ਼ਨ ਨੂੰ ਲੈ ਕੇ ਇੱਕ ਸਰਵੇਖਣ ਕਰਵਾਇਆ ਗਿਆ। ਇਸ ਸਰਵੇ ਦੇ ਮੁਤਾਬਿਕ ਇਸ ਸਮੇਂ ਮੈਨੀਟੋਬਾ ਦੇ ਨਵੇਂ ਬਣੇ ਪ੍ਰੀਮੀਅਰ

ਵਾਬ ਕਿਨਿਊ ਦੀ ਪ੍ਰਵਾਨਗੀ ਰੇਟਿੰਗ ਬਾਕੀ ਸਾਰੇ ਪ੍ਰੀਮੀਅਰਾਂ ਦੇ ਮੁਕਾਬਲੇ ਸਭ ਤੋਂ ਵੱਧ ਹੈ। ਉਨ੍ਹਾਂ ਦੀ ਅਪਰੂਵਲ ਰੇਟਿੰਗ 57% ਹੈ ਅਤੇ ਉਹ ਕੈਨੇਡਾ ਦੇ ਸਭ ਤੋਂ ਵੱਧ ਪ੍ਰਸਿੱਧ ਪ੍ਰੀਮੀਅਰ ਹਨ।

9 ਪ੍ਰੀਮੀਅਰਾਂ ਵਾਸਤੇ ਕਰਵਾਏ ਗਏ ਸਰਵੇਖਣ ਵਿੱਚ ਬੀਸੀ ਦੇ ਪ੍ਰੀਮੀਅਰ ਡੇਵਿਡ ਈਬੀ ਛੇਵੇਂ ਸਥਾਨ ਹਨ। ਉਨ੍ਹਾਂ ਦੀ ਪ੍ਰਵਾਨਗੀ ਰੇਟਿੰਗ 46% ਦਰਜ ਕੀਤੀ ਗਈ ਹੈ।

ਇਸ ਸਮੇਂ ਮੁਲਕ ਦੇ ਸਭ ਤੋਂ ਘੱਟ ਪ੍ਰਸਿੱਧ ਕਿਊਬੈਕ ਦੇ ਪ੍ਰੀਮੀਅਰ ਫ਼੍ਰੈਂਸੁਆ ਲਿਗੋਅ ਹਨ। ਉਨ੍ਹਾਂ ਦੀ ਪ੍ਰਵਾਨਗੀ ਰੇਟਿੰਗ 31% ਹੈ।

ਇਸ ਸਰਵੇ ਵਿੱਚ ਪ੍ਰਿੰਸ ਐਡਵਰਡ ਆਈਲੈਂਡ ਅਤੇ ਟੈਰੀਟ੍ਰੀਜ਼ ਨੂੰ ਸ਼ਾਮਿਲ ਨਹੀਂ ਕੀਤਾ ਗਿਆ।