11.45C Vancouver 11.45C VancouverFeb 18, 2022 11:17 PM - The Canadian Press
ਬੀ.ਸੀ. ਸਰਕਾਰ ਨੇ ਐਲਾਨ ਕੀਤਾ ਹੈ ਕਿ ਫੈਡਰਲ ਫੰਡਿੰਗ ਦਾ ਕਰੀਬ $50 ਮਿਲੀਅਨ ਸੂਬੇ 'ਚ ਵਧੇਰੇ ਚਾਈਲਡਹੁਡ ਐਜੂਕੇਟਰਸ ਨੂੰ ਟਰੇਨ, ਰਿਕਰੂਟ ਅਤੇ ਰਿਟੇਨ ਕਰਨ ਲਈ ਵਰਤਿਆ ਜਾਵੇਗਾ।
ਬੀ.ਸੀ. ਦੀ ਮਿਨਿਸਟਰ ਆਫ ਸਟੇਟ ਫੌਰ ਚਾਈਲਡ ਕੇਅਰ, ਕੈਟਰੀਨਾ ਚੈਨ ਨੇ ਸ਼ੁੱਕਰਵਾਰ ਨੂੰ ਐਲਾਨ ਕੀਤਾ ਕਿ $25.5 ਮਿਲੀਅਨ ਦੀ ਵਰਤੋਂ ਅਗਲੇ 3 ਤੋਂ 4 ਸਾਲ ਵਿਚਾਲੇ ਫੀਲਡ 'ਚ ਦਾਖਿਲ ਹੋ ਰਹੇ ਵਿਦਿਆਰਥੀਆਂ ਨੂੰ ਵਜੀਫੇ ਦੇਣ 'ਚ ਕੀਤੀ ਜਾਵੇਗੀ।
ਉਨ੍ਹਾਂ ਕਿਹਾ ਕਿ $11 ਮਿਲੀਅਨ ਤੋਂ ਵਧੇਰੇ ਰਾਸ਼ੀ ਦੀ ਵਰਤੋਂ ਚਾਈਲਡਹੁਡ ਐਜੂਕੇਟਰਸ ਨੂੰ ਰਿਕਰੂਟ ਅਤੇ ਰਿਟੇਨ ਕਰਨ ਲਈ ਕੀਤੀ ਜਾਵੇਗੀ।
ਉਨ੍ਹਾਂ ਦੱਸਿਆ ਕਿ $7.5 ਮਿਲੀਅਨ ਪ੍ਰੋਫੈਸ਼ਨਲ ਡਵੈਲਪਮੈਂਟ ਅਤੇ ਪੀਅਰ ਮੌਨਿਟਰਿੰਗ ਲਈ ਖਰਚ ਕੀਤੇ ਜਾਣਗੇ।
ਸਰਕਾਰ ਦਾ ਅਨੁਮਾਨ ਹੈ ਕਿ ਅਗਲੇ ਇੱਕ ਦਹਾਕੇ 'ਚ ਚਾਈਲਡਹੁਡ ਐਜੂਕੇਟਰਸ ਅਤੇ ਅਸਿਸਟੈਂਟਸ ਸੰਬੰਧੀ 10,000 ਤੋਂ ਵਧੇਰੇ ਨੌਕਰੀਆਂ ਸਥਾਪਿਤ ਹੋਣਗੀਆਂ।
ਮੰਤਰੀ ਦਾ ਕਹਿਣਾ ਹੈ ਕਿ ਮੁੱਖ ਟੀਚਾ ਹੈ ਕਿ ਇਸ 'ਚ ਸਥਿਰਤਾ ਲਿਆਂਦੀ ਜਾਵੇ ਅਤੇ ਇਹ ਲੋਕ ਫੀਲਡ ਨਾਲ ਜੁੜੇ ਰਹਿਣ।
ਉਨ੍ਹਾਂ ਕਿਹਾ ਕਿ 2021 ਦੇ ਬਜਟ ਅਨੁਸਾਰ ਵੇਜ 'ਚ $4 ਦੇ ਵਾਧੇ ਨਾਲ ਮੀਡੀਅਨ ਵੇਜ $25 'ਤੇ ਪਹੁੰਚਾਈ ਜਾ ਰਹੀ ਹੈ।
