14.28C Vancouver 14.28C VancouverAug 24, 2023 7:05 PM - Connect News
ਕੈਨੇਡਾ ਦਾ ਕਾਰਪੋਰੇਟ ਐਥਿਕਸ ਵਾਚਡੌਗ ਇਸ ਮਾਮਲੇ ਦੀ ਜਾਂਚ ਕਰ ਰਿਹਾ ਹੈ ਕਿ ਵੌਲਮਾਰਟ, ਹਿਊਗੋ ਬੌਸ ਅਤੇ ਡੀਜ਼ਲ ਦੀਆਂ ਆਪਣੀਆਂ ਸਪਲਾਈ ਚੇਨਾਂ ਵਿੱਚ ਜਬਰਨ ਮਜ਼ਦੂਰੀ ਸ਼ਾਮਲ ਹੈ।
ਸ਼ੈਰੀ ਮੇਅਰਹੌਫ਼ਰ ਨੇ ਅੱਜ ਤਿੰਨ ਰਿਪੋਰਟਾਂ ਜਾਰੀ ਕੀਤੀਆਂ ਹਨ ਜਿਸ ਵਿਚ ਕਿਹਾ ਗਿਆ ਹੈ ਕਿ ਤਿੰਨਾਂ ਵਿਚੋਂ ਕਿਸੇ ਵੀ ਕੰਪਨੀ ਨੇ ਇਹ ਦੱਸਣ ਲਈ ਲੋੜੀਂਦਾ ਕੰਮ ਨਹੀਂ ਕੀਤਾ ਹੈ ਕਿ ਉਹ ਕੈਨੇਡਾ ਵਿੱਚ ਜੋ ਪ੍ਰੋਡਕਟ ਵੇਚ ਰਹੇ ਹਨ ਉਹ ਸਲੇਵ ਲੇਬਰ ਤੋਂ ਮੁਕਤ ਹਨ।
ਇਹ ਕੈਨੇਡੀਅਨ ਓਮਬਡਜ਼ਪਰਸਨ ਫ਼ੌਰ ਰਿਸਪੌਨਸਿਬਲ ਐਂਟਰਪ੍ਰਾਈਜ਼ (CORE) ਵੱਲੋਂ ਘੋਸ਼ਿਤ ਚੌਥੀ, ਪੰਜਵੀਂ ਅਤੇ ਛੇਵੀਂ ਜਾਂਚ ਹੈ ਕਿਉਂਕਿ ਇਸਨੇ ਮਾਰਚ, 2021 ਵਿੱਚ ਸ਼ਿਕਾਇਤਾਂ ਨੂੰ ਸਵੀਕਾਰ ਕਰਨਾ ਸ਼ੁਰੂ ਕੀਤਾ ਸੀ।
ਪਿਛਲੇ ਮਹੀਨੇ CORE ਨੇ ਨਾਈਕੀ ਕੈਨੇਡਾ ਅਤੇ ਕੈਨੇਡੀਅਨ ਮਾਈਨਿੰਗ ਕੰਪਨੀ ਡਾਏਨੈਸਟੀ ਗੋਲ੍ਡ ਦੀ ਜਾਂਚ ਦਾ ਐਲਾਨ ਕੀਤਾ ਸੀ, ਅਤੇ ਇਸ ਤੋਂ ਪਹਿਲਾਂ ਅਗਸਤ ਵਿੱਚ ਰਾਲਫ਼ ਲੌਰੇਨ ਕੈਨੇਡਾ ਦੀ ਜਾਂਚ ਦਾ ਐਲਾਨ ਕੀਤਾ ਗਿਆ ਸੀ।
CORE ਦਫ਼ਤਰ ਕੈਨੇਡੀਅਨ ਕੰਪਨੀਆਂ ਦੇ ਮੁਲਕੋਂ ਬਾਹਰ ਕੰਮਕਾਜ ਦੌਰਾਨ ਸੰਭਾਵਿਤ ਮਨੁੱਖੀ ਅਧਿਕਾਰਾਂ ਦੇ ਉਲੰਘਣ ਬਾਰੇ ਸ਼ਿਕਾਇਤਾਂ ਦੀ ਸਮੀਖਿਆ ਕਰੇਗਾ।
ਸੰਗਠਨਾਂ ਨੇ ਦੋਸ਼ਾਂ ਦੀ ਜਾਂਚ ਕਰਨ ਲਈ ਕਿਹਾ ਕਿ 14 ਕੈਨੇਡੀਅਨ ਕੰਪਨੀਆਂ ਵੱਲੋਂ ਵੇਚੇ ਗਏ ਕੁਝ ਉਤਪਾਦ ਜਿਨ੍ਹਾਂ ਵਿੱਚੋਂ ਜ਼ਿਆਦਾਤਰ ਵੱਡੇ ਅਮਰੀਕੀ ਕਾਰੋਬਾਰਾਂ ਦੇ ਸਹਾਇਕ ਹਨ, ਉਹਨਾਂ ਨੂੰ ਚੀਨ ਵਿੱਚ ਜਬਰੀ ਮਜ਼ਦੂਰੀ ਨਾਲ ਬਣਾਇਆ ਗਿਆ ਹੈ। ਤਿੰਨੋਂ ਕੰਪਨੀਆਂ ਦੀਆਂ ਕੈਨੇਡੀਅਨ ਸਬਸਿਡਰੀ ਕੰਪਨੀਆਂ ‘ਤੇ ਉਨ੍ਹਾਂ ਸਪਲਾਇਰਾਂ 'ਤੇ ਨਿਰਭਰ ਹੋਣ ਦਾ ਦੋਸ਼ ਹੈ ਜੋ ਚੀਨ ਦੇ ਸ਼ਿਨਜਿਆਂਗ ਖੇਤਰ ਵਿੱਚ ਕੰਮ ਕਰਨ ਲਈ ਮਜਬੂਰ ਕੀਤੇ ਗਏ ਵੀਗਰ ਲੋਕਾਂ ਤੋਂ ਸਮੱਗਰੀ ਪ੍ਰਾਪਤ ਕਰਦੇ ਹਨ।
ਉਨ੍ਹਾਂ ਕਿਹਾ ਕਿ ਮੁੱਖ ਚੁਣੌਤੀ ਇਹ ਹੈ ਕਿ ਸ਼ਿਨਜਿਆਂਗ ਦੇ ਉਤਪਾਦਾਂ ਨੂੰ ਅਕਸਰ ਦੂਜੇ ਦੇਸ਼ਾਂ ਵਿੱਚ ਭੇਜਿਆ ਜਾਂਦਾ ਹੈ, ਮਤਲਬ ਇਹ ਹੈ ਕਿ ਵੀਅਤਨਮ ਵਰਗੇ ਦੇਸ਼ਾਂ ਤੋਂ ਹੁੰਦੇ ਆਯਾਤ ਵਿੱਚ ਚੀਨ ਦੀ ਜਬਰਨ ਮਜ਼ਦੂਰੀ ਸ਼ਾਮਲ ਹੋ ਸਕਦੀ ਹੈ ਜੇਕਰ ਇਸ ਨੂੰ ਧਿਆਨ ਨਾਲ ਟ੍ਰੇਸ ਨਹੀਂ ਕੀਤਾ ਜਾਂਦਾ।
ਹਾਲਾਂਕਿ ਚੀਨ ਨੇ ਅਜਿਹੇ ਵਰਤਾਰੇ ਤੋਂ ਇਨਕਾਰ ਕੀਤਾ ਹੈ।
