12.93C Vancouver 12.93C VancouverSep 14, 2023 6:00 PM - The Canadian Press
ਵੈਸਟ ਨੋਵਾ ਸਕੋਸ਼ੀਆ ਅਤੇ ਸਾਊਥ ਨਿਊ ਬਰੰਜ਼ਵਿਕ ਦੇ ਵਸਨੀਕਾਂ ਨੂੰ ਬਿਜਲੀ ਬੰਦ ਹੋਣ ਅਤੇ ਹੜ੍ਹਾਂ ਲਈ ਤਿਆਰ ਰਹਿਣ ਦੀ ਚੇਤਾਵਨੀ ਦਿੱਤੀ ਜਾ ਰਹੀ ਹੈ।
ਹਰੀਕੇਨ ਲੀ ਦੇ ਸ਼ਨੀਵਾਰ ਨੂੰ ਇੱਕ ਸ਼ਕਤੀਸ਼ਾਲੀ ਪੋਸਟ-ਟ੍ਰੋਪਿਕਲ ਤੂਫਾਨ ਬਣਨ ਦੀ ਸੰਭਾਵਨਾ ਹੈ ਜਦੋਂ ਇਹ ਖੇਤਰ ਵਿੱਚ ਲੈਂਡਫਾਲ ਕਰੇਗਾ।
ਹੈਲੀਫੈਕਸ ਵਿੱਚ ਕੈਨੇਡੀਅਨ ਹਰੀਕੇਨ ਸੈਂਟਰ ਨੇ ਸਵੇਰੇ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਸ਼ਨੀਵਾਰ ਰਾਤ ਨੂੰ ਨਿਊ ਬਰੰਜ਼ਵਿਕ ਦੇ ਗ੍ਰੈਂਡ ਮਾਨਨ ਆਈਲੈਂਡ ਅਤੇ ਨੋਵਾ ਸਕੋਸ਼ੀਆ ਦੀ ਸ਼ੈਲਬਰਨ ਕਾਉਂਟੀ ਦੇ ਵਿਚਕਾਰ ਕਿਸੇ ਖੇਤਰ ਵਿੱਚ ਤੂਫਾਨ ਟਰੈਕ ਲੈ ਸਕਦਾ ਹੈ।
ਕੇਂਦਰ ਨੇ ਵਾਰ-ਵਾਰ ਇਸ ਗੱਲ 'ਤੇ ਜ਼ੋਰ ਦਿੱਤਾ ਹੈ ਕਿ ਭਾਵੇਂ ਲੀ ਦੇ ਕੈਟਾਗਰੀ 1 ਤੂਫਾਨ ਤੋਂ ਪੋਸਟ-ਟ੍ਰੋਪਿਕਲ ਤੂਫਾਨ ਵਿੱਚ ਤਬਦੀਲ ਹੋਣ ਦੀ ਉਮੀਦ ਹੈ ਤਾਂ ਵੀ ਖਤਰਾ ਬਣਿਆ ਰਹੇਗਾ, ਕਿਉਂਕਿ ਇਹ ਤੂਫਾਨ ਬਹੁਤ ਤੇਜ਼ ਆਵੇਗਾ ਅਤੇ ਆਪਣੀ ਤਾਕਤ ਨੂੰ ਬਰਕਰਾਰ ਰੱਖੇਗਾ।
ਐਨਵਾਇਰਮੈਂਟ ਕੈਨੇਡਾ ਨੇ ਸਾਊਥ-ਵੈਸਟ ਨੋਵਾ ਸਕੋਸ਼ੀਆ ਕਾਉਂਟੀਜ਼ ਦੇ ਡਿਗਬੀ, ਕਵੀਂਸ, ਸ਼ੈਲਬਰਨ ਅਤੇ ਯੌਰਮਾਊਥ ਲਈ ਤੂਫਾਨ ਚੇਤਾਵਨੀ ਜਾਰੀ ਕੀਤੀ ਹੈ।
ਜਿੱਥੇ ਹਰੀਕੇਨ ਹਵਾਵਾਂ 120 ਕਿਲੋਮੀਟਰ ਪ੍ਰਤੀ ਘੰਟਾ ਤੱਕ ਤੇਜ਼ ਹੋ ਸਕਦੀਆਂ ਹਨ।
ਇਸਦੇ ਨਾਲ ਹੀ ਨਿਊ ਬਰੰਜ਼ਵਿਕ ਦੇ ਗ੍ਰੈਂਡ ਮਾਨਨ ਆਈਲੈਂਡ ਅਤੇ ਸ਼ਾਰਲੋਟ ਕਾਉਂਟੀ ਨੂੰ ਅਲਰਟ 'ਤੇ ਰੱਖਿਆ ਗਿਆ ਹੈ। ਲੋਕਾਂ ਨੂੰ ਵੀ ਚੇਤਾਵਨੀ ਦਿੱਤੀ ਜਾ ਰਹੀ ਹੈ ਕਿ ਪਾਣੀ ਦਾ ਪੱਧਰ ਉੱਚਾ ਹੋਣ ਕਾਰਨ ਹੜ੍ਹ ਆ ਸਕਦੇ ਹਨ ਅਤੇ ਖਤਰਨਾਕ ਸਰਫ ਹੋ ਸਕਦੇ ਹਨ।
