ਕੈਲਗਰੀ ’ਚ ਇਕ ਹੋਰ ਵਾਟਰ ਮੈਨ ਲਾਈਨ ਟੁੱਟੀ, ਘਰਾਂ ਨੂੰ ਪਾਣੀ ਸਪਲਾਈ ਬੰਦ - ਅਧਿਕਾਰੀਆਂ ਨੇ ਕਿਹਾ ਜੂਨ ਵਾਲੀ ਘਟਨਾ ਨਾਲ ਕੋਈ ਸੰਬੰਧ ਨਹੀਂ

ਕੈਲਗਰੀ ਸ਼ਹਿਰ ਵਿਚ ਇੱਕ ਹੋਰ ਵਾਟਰ ਮੈਨ ਲਾਈਨ ਟੁੱਟਣ ਦੀ ਘਟਨਾ ਸਾਹਮਣੇ ਆਈ ਹੈ, ਜਿਸ ਕਾਰਨ ਕਈ ਘਰਾਂ ਅਤੇ ਕਾਰੋਬਾਰੀ ਥਾਵਾਂ ਦੀ ਪਾਣੀ ਸਪਲਾਈ ਪ੍ਰਭਾਵਿਤ ਹੋਈ ਹੈ। ਹਾਲਾਂਕਿ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਹ ਜੂਨ ਵਿਚ ਹੋਈ ਵੱਡੀ ਲਾਈਨ ਟੁੱਟਣ ਦੀ ਘਟਨਾ ਨਾਲ ਸੰਬੰਧਤ ਨਹੀਂ ਹੈ।

ਸ਼ਹਿਰ ਦੇ ਵਾਟਰ ਸਰਵਿਸਿਜ਼ ਦੇ ਡਿਪਟੀ ਡਾਇਰੈਕਟਰ ਰਾਇਨ ਕਿਡ ਨੇ ਦੱਸਿਆ ਕਿ ਇਹ ਟੁੱਟੀ ਲਾਈਨ ਬੋਨੈੱਸ ਰੋਡ ਅਤੇ 51 ਸਟ੍ਰੀਟ ਨੌਰਥਵੈਸਟ ਇਲਾਕੇ ਵਿਚ ਸਥਿਤ 250 ਮਿਲੀਮੀਟਰ ਕਾਸਟ ਆਇਰਨ ਡਿਸਟ੍ਰੀਬਿਊਸ਼ਨ ਲਾਈਨ ਸੀ। ਐਤਵਾਰ ਰਾਤ ਨੂੰ ਸੜਕ ਦੀ ਸਤ੍ਹਾ ’ਤੇ ਪਾਣੀ ਉੱਪਰ ਆਉਂਦਾ ਦੇਖ ਕੇ ਟੀਮਾਂ ਨੇ ਤੁਰੰਤ ਲਾਈਨ ਬੰਦ ਕਰ ਦਿੱਤੀ ਅਤੇ ਮੁਰੰਮਤ ਸ਼ੁਰੂ ਕਰ ਦਿੱਤੀ।

ਕਿਡ ਨੇ ਕਿਹਾ ਕਿ ਸ਼ਹਿਰ ਦੀ ਟੀਮ ਆਮ ਤੌਰ ’ਤੇ 48 ਘੰਟਿਆਂ ਅੰਦਰ ਪਾਣੀ ਸਪਲਾਈ ਮੁੜ ਚਾਲੂ ਕਰ ਦਿੰਦੀ ਹੈ।

ਇਹ ਘਟਨਾ ਜੂਨ 5 ਨੂੰ ਹੋਈ ਉਸ ਵੱਡੀ ਲਾਈਨ ਟੁੱਟਣ ਤੋਂ ਕੁਝ ਮਹੀਨੇ ਬਾਅਦ ਆਈ ਹੈ, ਜਿਸ ਨਾਲ ਕੈਲਗਰੀ ਦੇ 60 ਫ਼ੀਸਦੀ ਪੀਣ ਵਾਲੇ ਪਾਣੀ ਦੀ ਸਪਲਾਈ ਪ੍ਰਭਾਵਿਤ ਹੋਈ ਸੀ ਅਤੇ ਸ਼ਹਿਰ ਨੂੰ ਐਮਰਜੈਂਸੀ ਪਾਣੀ ਪਾਬੰਦੀਆਂ ਲਗਾਉਣੀਆਂ ਪਈਆਂ ਸਨ। ਉਹ ਪਾਬੰਦੀਆਂ ਸਤੰਬਰ ਦੇ ਅੰਤ ਤੱਕ ਜਾਰੀ ਰਹੀਆਂ।

ਕਿਡ ਨੇ ਦੱਸਿਆ ਕਿ ਹਫ਼ਤੇ ਦੇ ਅੰਤ ਟੁੱਟੀ ਇਹ ਪਾਈਪ 1959 ਵਿੱਚ ਲਗਾਈ ਗਈ ਸੀ ਅਤੇ ਕੈਲਗਰੀ ਵਿੱ