18.94C Vancouver 18.94C VancouverAug 13, 2020 7:49 PM -
'ਵੀ ਚੈਰਿਟੀ' ਵੱਲੋਂ ਆਪਣੇ ਆਪ੍ਰੇਸ਼ਨਜ਼ ਨੂੰ ਘਟਾਇਆ ਜਾ ਰਿਹਾ ਹੈ ਅਤੇ ਕੈਨੇਡਾ 'ਚ ਦਰਜਨਾਂ ਲੇਆਫ਼ ਕੀਤੇ ਜਾ ਰਹੇ ਹਨ।
ਸੰਗਠਨ ਵੱਲੋਂ ਯੂ.ਕੇ. 'ਚ ਵੀ ਲੇਆਫ਼ ਕੀਤੇ ਜਾ ਰਹੇ ਹਨ, ਅਤੇ ਇਸ ਤੋਂ ਇਲਾਵਾ ਟੋਰੌਂਟੋ 'ਚ ਕੁਝ ਐਸਟੇਟ ਹੋਲਡਿੰਗਜ਼ ਨੂੰ ਵੇਚਣ ਦੀ ਵੀ ਸਲਾਹ ਕੀਤੀ ਜਾ ਰਹੀ ਹੈ।
ਹੁਣ 'ਵੀ ਚੈਰਿਟੀ' ਦੇ ਯੂ.ਕੇ. ਦੇ ਆਪ੍ਰੇਸ਼ਨਜ਼ ਨੂੰ ਵੀ ਕੈਨੇਡਾ 'ਚ ਕੇਂਦਰਿਤ ਕਰਨ ਦੀ ਗੱਲ ਆਖੀ ਗਈ ਹੈ।
ਇਸ ਦਾ ਮਤਲਬ ਹੈ ਕਿ, ਲੰਡਨ 'ਚ ਕੰਮ ਕਰ ਰਹੇ 19 ਕਰਮਚਾਰੀ ਵੀ ਲੇਆਫ਼ ਕੀਤੇ ਜਾ ਰਹੇ ਹਨ। ਟੋਰੌਂਟੋ 'ਚ ਗਲੋਬਲ ਹੈਡਕੁਆਟਰ 'ਚ 16 ਫੁੱਲ-ਟਾਈਮ ਕਰਮਚਾਰੀਆਂ ਨੂੰ ਲੇਆਫ਼ ਕੀਤਾ ਜਾਵੇਗਾ।
ਇਸ ਦੇ ਨਾਲ ਹੀ 51 ਕਰਮਚਾਰੀ, ਜੋ ਕਿ ਫਿਕਸਡ-ਟਰਮ ਕੰਟਰੈਕਟ 'ਤੇ ਕੰਮ ਕਰ ਰਹੇ ਸਨ, ਉਨ੍ਹਾਂ ਦੇ ਕੰਟਰੈਕਟ ਰਿਨਿਊ ਨਹੀਂ ਕੀਤੇ ਜਾਣਗੇ।
ਯਾਦ ਰਹੇ ਇਹ ਸਭ ਉਸ ਵੇਲੇ ਹੋ ਰਿਹਾ ਹੈ, ਜਦ ਲਿਬਰਲ ਸਰਕਾਰ ਦੇ ਸਟੂਡੈਂਟ ਪ੍ਰੋਗਰਾਮ ਨੂੰ 'ਵੀ ਚੈਰਿਟੀ' ਨੂੰ ਦਿੱਤੇ ਜਾਣ ਦੇ ਫ਼ੈਸਲੇ 'ਤੇ ਵਿਵਾਦ ਖੜਾ ਹੋ ਗਿਆ ਹੈ।
