16.37C Vancouver 16.37C VancouverJul 16, 2020 9:35 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ 'ਵੀ ਚੈਰਿਟੀ' ਵਿਵਾਦ ਮਾਮਲੇ 'ਚ ਇੱਕ ਵਾਰ ਫਿਰ ਤੋਂ ਮੁਆਫੀ ਮੰਗੀ ਹੈ।
ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਡੂੰਘਾ ਖੇਦ ਹੈ ਕਿ, ਉਹ ਇਸ ਕੰਟਰੈਕਟ ਸੰਬੰਧੀ ਗੱਲਬਾਤ ਦਾ ਹਿੱਸਾ ਬਣੇ।
'ਵੀ ਚੈਰਿਟੀ' ਵੱਲੋਂ ਟਰੂਡੋ ਦੀ ਮਾਂ 'ਮਾਰਗਰੇਟ ਟਰੂਡੋ' ਅਤੇ ਭਰਾ 'ਐਲਿਕਜ਼ੈਂਡਰ' ਨੂੰ ਵੱਖੋ ਵੱਖਰੇ ਸਮੇਂ 'ਤੇ ਕਈ ਸਮਾਗਮਾਂ 'ਚ ਸ਼ਾਮਿਲ ਹੋਣ ਅਤੇ ਬੋਲਣ ਲਈ ਰਾਸ਼ੀ ਦਿੱਤੀ ਗਈ ਸੀ, ਜਿਸ ਦੇ ਚਲਦਿਆਂ ਐਥਿਕਸ ਕਮਿਸ਼ਨਰ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਨਾਲ ਨਿਊਜ਼ ਕਾਨਫਰੰਸ 'ਚ ਮੌਜੂਦ ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਨੇ ਵੀ ਇਸ ਮਾਮਲੇ ਦੀ ਜ਼ਿੰਮੇਵਾਰੀ ਲੈਂਦੇ ਹੋਏ ਮੁਆਫੀ ਮੰਗੀ ਹੈ।
ਉਨ੍ਹਾਂ ਕਿਹਾ ਕਿ "ਸਾਡੇ ਤੋਂ ਗਲਤੀ ਹੋਈ ਹੈ ਅਤੇ ਅਸੀਂ ਇਸ ਗਲਤੀ ਤੋਂ ਸਿੱਖਾਂਗੇ।"
ਪਰ ਉਨ੍ਹਾਂ ਇਹ ਵੀ ਕਿਹਾ ਕਿ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵਿੱਚ ਉਨ੍ਹਾਂ ਦਾ ਪੂਰਾ ਭਰੋਸਾ ਹੈ ਅਤੇ ਉਨ੍ਹਾਂ ਦੀ ਲੀਡਰਸ਼ਿਪ 'ਤੇ ਕਿਸੇ ਪ੍ਰਕਾਰ ਦਾ ਸ਼ੱਕ ਨਹੀਂ ਹੈ।
