16.78C Vancouver 16.78C VancouverJul 28, 2020 2:50 PM -
$912 ਮਿਲੀਅਨ ਦੇ ਸਟੂਡੈਂਟ-ਵੌਲਨਟੀਅਰ ਪ੍ਰੋਗਰਾਮ ਦੇ ਸੰਬੰਧ ਵਿੱਚ ਚੱਲ ਰਹੀ ਸੰਸਦੀ ਜਾਂਚ ਅਧੀਨ ‘ਵੀ’ ਸੰਗਠਨ ਦੇ ਕੋ-ਫਾਊਂਡਰ ਅੱਜ ਹਾਊਸ ਆਫ ਕੌਮਨਜ਼ ਕਮੇਟੀ ਸਾਹਮਣੇ ਪੇਸ਼ ਹੋਏ।
ਕ੍ਰੈਗ ਅਤੇ ਮਾਰਕ ਕੀਲਬਰਗਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਸੰਗਠਨ ਨੂੰ ਕਿਸੇ ਵੀ ਲਿਬਰਲ ਕੈਬਿਨੇਟ ਦੇ ਮੰਤਰੀ ਨਾਲ ਨੇੜਤਾ ਕਾਰਨ, ਔਟਵਾ ਦੇ ਸਟੂਡੈਂਟ ਵੋਲੰਟੀਅਰ ਪ੍ਰੋਗਰਾਮ ਨੂੰ ਚਲਾਉਣ ਦੀ ਮਨਜ਼ੂਰੀ ਨਹੀਂ ਮਿਲੀ ਸੀ।
ਦੋਨਾਂ ਭਰਾਵਾਂ ਨੇ ਪਾਰਲੀਮੈਂਟਰੀ ਕਮੇਟੀ ਨੂੰ ਕਿਹਾ ਕਿ ਉਹ ਖੇਦ ਜ਼ਾਹਿਰ ਕਰਨਾ ਚਾਹੁੰਦੇ ਹਨ ਕਿ ਉਨ੍ਹਾਂ ਇਸ ਦਾ ਖਿਆਲ ਨਹੀਂ ਕੀਤਾ ਕਿ ਇਸ ਡੀਲ ਪ੍ਰਤੀ ਕਿਸ ਪ੍ਰਕਾਰ ਦਾ ਰਵੱਈਆ ਰਹਿ ਸਕਦਾ ਹੈ।
ਉਨ੍ਹਾਂ ਕਿਹਾ ਕਿ ਉਹ ਕਦੀ ਵੀ ਇਸ ਡੀਲ ਦਾ ਹਿੱਸਾ ਨਾ ਬਣਦੇ, ਜੇਕਰ ਉਨ੍ਹਾਂ ਨੂੰ ਅਹਿਸਾਸ ਹੁੰਦਾ ਕਿ ਇਸ ਦੇ ਨਾਲ 'ਵੀ' ਦੇ ਕੀਤੇ 25 ਸਾਲ ਦੇ ਕੰਮ 'ਤੇ ਸ਼ੱਕ ਕੀਤਾ ਜਾਵੇਗਾ।
ਵੀ ਚੈਰਿਟੀ ਵੱਲੋਂ ਇਸ ਪ੍ਰੋਗਰਾਮ ਦੀਆਂ ਪ੍ਰਸ਼ਾਸਨਿਕ ਕਾਰਵਾਈਆਂ ਤੋਂ ਇਸੇ ਮਹੀਨੇ ਦੀ ਸ਼ੁਰੂਆਤ 'ਚ ਖੁਦ ਨੂੰ ਦੂਰ ਕਰ ਲਿਆ ਗਿਆ ਸੀ।
ਅਜਿਹਾ ਉਸ ਵੇਲੇ ਕੀਤਾ ਗਿਆ ਸੀ ਜਦ 'ਵੀ ਸੰਗਠਨ' ਨੂੰ ਇਸ ਪ੍ਰੋਗਰਾਮ ਦਾ ਕੰਟ੍ਰੈਕਟ ਦੇਣ ਦਾ ਫ਼ੈਸਲਾ ਲਿਆ ਗਿਆ ਸੀ, ਅਤੇ ਪ੍ਰਧਾਨ ਮੰਤਰੀ ਟਰੂਡੋ ਨਾਲ ਇਸ ਸੰਗਠਨ ਦੀ ਨੇੜਤਾ 'ਤੇ ਸਵਾਲ ਉੱਠਣ ਲੱਗੇ ਸਨ।
