31.13C Vancouver 31.13C VancouverMar 11, 2021 4:32 PM -
ਵਿਸ਼ਵ ਸਿਹਤ ਸੰਸਥਾ ਵੱਲੋਂ ਕੋਵਿਡ-19 ਨੂੰ ‘ਗਲੋਬਲ ਪੈਂਡਿਮੀਕ’ ਕਰਾਰ ਕੀਤਿਆਂ ਅੱਜ ਪੂਰਾ ਇੱਕ ਸਾਲ ਹੋ ਗਿਆ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ 11 ਮਾਰਚ ਦੇ ਦਿਨ ਨੂੰ ‘ਨੈਸ਼ਨਲ ਡੇਅ ਆਫ ਓਬਜ਼ਰਵੇਂਸ’ ਦਾ ਦਰਜਾ ਦਿੱਤਾ ਹੈ, ਜਦੋਂ ਉਨ੍ਹਾਂ ਲੋਕਾਂ ਨੂੰ ਖਾਸ ਤੌਰ ਤੇ ਯਾਦ ਕੀਤਾ ਜਾਵੇਗਾ ਜਿਨ੍ਹਾਂ ਦੀਆਂ ਜਾਨਾਂ ਕੋਵਿਡ -19 ਕਾਰਨ ਚਲੀਆਂ ਗਈਆਂ ਹਨ।
ਅੱਜ ਟਰੂਡੋ ਨੇ ਹਾਊਸ ਆਫ ਕਾਮਨਜ਼ ਵਿੱਚ ਇਸ ਮੌਕੇ ਇਕ ਖਾਸ ਸੰਬੋਧਨ ਦਿੱਤਾ।
ਟਰੂਡੋ ਮੁਤਾਬਕ ਜਿੱਥੇ ਅੱਜ ਦੇ ਦਿਨ ਵਾਇਰਸ ਕਾਰਨ ਦਮ ਤੋੜ ਚੁੱਕੇ ਵਿਅਕਤੀਆਂ ਨੂੰ ਯਾਦ ਕਰਨਾ ਜ਼ਰੂਰੀ ਹੈ ਉੱਥੇ ਹੀ ਸਿਹਤ ਸੰਭਾਲ ਖੇਤਰ ਅਤੇ ਹੋਰ ਫਰੰਟਲਾਈਨ ਵਰਕਰਜ਼ ਦੀ ਪਿਛਲੇ ਸਾਲ ਦੌਰਾਨ ਕੀਤੀ ਅਣਥੱਕ ਮਿਹਨਤ ਨੂੰ ਮਾਨਤਾ ਦੇਣੀ ਵੀ ਅਹਿਮ ਹੈ।
ਦੁਨੀਆਂ ਭਰ ਵਿੱਚ ਇਸ ਮਹਾਂਮਾਰੀ ਕਾਰਨ 2.5 ਮਿਲੀਅਨ ਤੋਂ ਵੱਧ ਜਾਨਾਂ ਗਈਆਂ ਹਨ ਅਤੇ ਕੈਨੇਡਾ ਵਿੱਚ ਇਸ ਵਾਇਰਸ ਕਾਰਨ ਇੱਕ ਸਾਲ ਦੌਰਾਨ 22,000 ਤੋਂ ਵੱਧ ਵਿਅਕਤੀ ਮਾਰੇ ਜਾ ਚੁੱਕੇ ਹਨ।
