10.98C Vancouver 10.98C VancouverSep 10, 2024 7:43 PM - The Canadian Press
ਬੀ.ਸੀ. ਵਾਈਲਡਫਾਇਰ ਸਰਵਿਸ ਵਲੋਂ ਈਸਟ ਕੂਟੇਨੇਜ਼ ਵਿਚ ਖੋਜੀਆਂ ਗਈਆਂ ਨਵੀਆਂ ਅੱਗਾਂ ਨੂੰ ਬੁਝਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਜਿਨ੍ਹਾਂ ਕਾਰਨ 50 ਤੋਂ ਵੱਧ ਸੰਪਤੀਆਂ ਲਈ ਨਿਕਾਸੀ ਦੇ ਆਦੇਸ਼ ਜਾਂ ਅਲਰਟ ਜਾਰੀ ਕਰਨੇ ਪਏ ਹਨ। ਵਾਈਲਡਫਾਇਰ ਸਰਵਿਸ ਦਾ ਕਹਿਣਾ ਹੈ ਕਿ ਉਸ ਦੇ ਅੱਗ ਬੁਝਾਉਣ ਵਾਲੇ ਕ੍ਰੈਨਬਰੂਕ ਤੋਂ ਲਗਭਗ 48 ਕਿਲੋਮੀਟਰ ਦੱਖਣ-ਪੂਰਬ ਵਿਚ ਸਥਿਤ ਕਿਕੋਮੁਨ ਜੰਗਲੀ ਅੱਗ ਨਾਲ ਲੜ ਰਹੇ ਹਨ।
ਵਾਈਲਡਫਾਇਰ ਸਰਵਿਸ ਮੁਤਾਬਿਕ ਅੱਗ ਲੱਗਣ ਦੇ ਕਾਰਨਾਂ ਦਾ ਪਤਾ ਅਜੇ ਨਹੀਂ ਲੱਗ ਸਕਿਆ ਹੈ ਅਤੇ ਕਿਕੋਮੁਨ ਕ੍ਰੀਕ ਪ੍ਰੋਵਿੰਸ਼ੀਅਲ ਪਾਰਕ ਤੋਂ ਧੂੰਆਂ ਦੂਰੋਂ ਹੀ ਵੇਖਿਆ ਜਾ ਸਕਦਾ ਹੈ।
ਬੀ.ਸੀ. ਵਾਈਲਡਫਾਇਰ ਸਰਵਿਸ ਦਾ ਕਹਿਣਾ ਹੈ ਕਿ ਅੱਗ ਦਾ ਆਕਾਰ ਚਾਰ ਹੈਕਟੇਅਰ ਹੋਣ ਦਾ ਅਨੁਮਾਨ ਹੈ ਅਤੇ ਇਸ ਦੇ ਕਰੂਜ਼ ਵਲੋਂ ਵਸਨੀਕਾਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਸਥਾਨਕ ਸਰਕਾਰੀ ਭਾਈਵਾਲਾਂ ਨਾਲ ਮਿਲ ਕੇ ਕੰਮ ਕੀਤਾ ਜਾ ਰਿਹਾ ਹੈ।
ਜ਼ਿਕਰਯੋਗ ਹੈ ਕਿ ਇਹ ਅੱਗ ਸੂਬੇ ਵਿਚ ਬਲ ਰਹੀਆਂ 220 ਸਰਗਰਮ ਅੱਗਾਂ ਵਿਚੋਂ ਇੱਕ ਹੈ ਅਤੇ ਵਾਈਲਡਫਾਇਰ ਸਰਵਿਸ ਮੁਤਾਬਿਕ ਇਨ੍ਹਾਂ ਵਿਚੋਂ 90 ਫੀਸਦੀ ਤੋਂ ਵੱਧ ਬਿਜਲੀ ਡਿੱਗਣ ਕਾਰਨ ਲੱਗੀਆਂ ਹਨ।
