20.44C Vancouver 20.44C VancouverJan 5, 2021 6:29 PM -
ਬੀ.ਸੀ. 'ਚ ਕਈ ਤਟਵਰਤੀ ਇਲਾਕਿਆਂ 'ਚ ਮੌਸਮ ਸੰਬੰਧੀ ਚੇਤਾਵਨੀਆਂ ਜਾਰੀ ਹਨ।
ਹਾਇਡਾ ਗਵਾਈ ਦੇ ਇਲਾਕੇ 'ਚ 100km ਤੱਕ ਦੀ ਰਫਤਾਰ 'ਤੇ ਹਵਾਵਾਂ ਨੇ ਦਸਤਕ ਦਿੱਤੀ ਹੈ।
ਹਵਾਵਾਂ ਸੰਬੰਧੀ ਚੇਤਾਵਨੀਆਂ ਹਾਇਡਾ ਗਵਾਈ, ਉੱਤਰੀ ਅਤੇ ਸੈਂਟਰਲ ਕੋਸਟਸ, ਵੈਨਕੂਵਰ ਆਈਲੈਂਡ ਅਤੇ ਦੱਖਣੀ ਗਲਫ ਆਈਲੈਂਡਸ ਲਈ ਜਾਰੀ ਕੀਤੀਆਂ ਗਈਆਂ ਹਨ।
ਇਸ ਤੋਂ ਇਲਾਵਾ ਸਨਸ਼ਾਈਨ ਕੋਸਟ ਅਤੇ ਮੈਟਰੋ ਵੈਨਕੂਵਰ ਲਈ ਵੀ ਚੇਤਾਵਨੀ ਜਾਰੀ ਕੀਤੀ ਗਈ ਹੈ।
ਉੱਤਰੀ ਇਲਾਕਿਆਂ 'ਚ 120km ਪ੍ਰਤੀ ਘੰਟਾ ਦੀ ਰਫਤਾਰ 'ਤੇ ਹਵਾਵਾਂ ਦੇ ਦਸਤਕ ਦੇਣ ਦਾ ਅਨੁਮਾਨ ਹੈ।
ਹਾਲਾਂਕਿ ਦੁਪਹਿਰ ਤੋਂ ਸ਼ਾਮ ਵਿਚਾਲੇ ਹਵਾਵਾਂ ਦੀ ਰਫਤਾਰ ਘਟਣ ਦੇ ਆਸਾਰ ਦੱਸੇ ਗਏ ਹਨ।
ਵੈਨਕੂਵਰ ਆਈਲੈਂਡ ਅਤੇ ਮੈਟਰੋ ਵੈਨਕੂਵਰ ਦੇ ਕਈ ਇਲਾਕਿਆਂ 'ਚ ਬਾਰਿਸ਼ ਸੰਬੰਧੀ ਵੀ ਚੇਤਾਵਨੀ ਜਾਰੀ ਕੀਤੀ ਗਈ ਹੈ।
ਵੈਨਕੂਵਰ ਆਈਲੈਂਡ ਦੇ ਕੁਝ ਹਿੱਸਿਆਂ 'ਚ 100mm ਤੱਕ ਬਾਰਿਸ਼ ਅਤੇ ਨੌਰਥ ਸ਼ੋਰ ਦੇ ਇਲਾਕਿਆਂ 'ਚ 60mm ਦਾ ਬਾਰਿਸ਼ ਦਾ ਅਨੁਮਾਨ ਹੈ।
ਹੇਠਲੇ ਇਲਾਕਿਆਂ 'ਚ ਲੋਕਲਾਈਜ਼ਡ ਹੜ੍ਹਾਂ ਦਾ ਖਤਰਾ ਵੀ ਦੱਸਿਆ ਗਿਆ ਹੈ।
