14.79C Vancouver 14.79C VancouverApr 14, 2021 8:33 PM -
ਸਰੀ 'ਚ ਆਰ.ਸੀ.ਐਮ.ਪੀ. ਵੱਲੋਂ ਬੀਤੇ ਕਰੀਬ ਇੱਕ ਹਫ਼ਤੇ 'ਚ $17,000 ਦੇ ਜੁਰਮਾਨੇ ਲਗਾਏ ਗਏ ਹਨ।
ਇਹ ਜੁਰਮਾਨੇ ਉਨ੍ਹਾਂ ਲੋਕਾਂ 'ਤੇ ਲਗਾਏ ਗਏ ਹਨ ਜੋ ਕੋਵਿਡ-19 ਦੇ ਨਿਯਮਾਂ ਦੀ ਪਾਲਣਾ ਨਹੀਂ ਕਰ ਰਹੇ ਹਨ।
ਇੱਕ ਬਿਆਨ 'ਚ ਆਰ.ਸੀ.ਐਮ.ਪੀ. ਦਾ ਕਹਿਣਾ ਸੀ ਕਿ ਬਹੁਤੇ ਜੁਰਮਾਨੇ ਵੱਡੇ ਇਕੱਠਾਂ ਦੇ ਮਾਮਲੇ 'ਚ ਲਗਾਏ ਗਏ ਹਨ।
ਇਸ 'ਚ ਇੱਕ ਵਿਆਹ ਦਾ ਇਕੱਠ ਵੀ ਸ਼ਾਮਿਲ ਸੀ ਜਿੱਥੇ 22 ਲੋਕ ਇਕੱਤਰ ਹੋਏ ਸਨ।
ਇਸ ਮੌਕੇ $2,300 ਦਾ ਜੁਰਮਾਨਾ ਲਗਾਇਆ ਗਿਆ ਸੀ।
ਸਰੀ ਆਰ.ਸੀ.ਐਮ.ਪੀ. ਦੀ ਕੰਪਲਾਇੰਸ ਐਂਡ ਐਨਫੋਰਸਮੈਂਟ ਟੀਮ (Compliance and Enforcement Team) ਤੋਂ ਸਾਰਜੈਂਟ ਟਾਇਲਰ ਵਿਕਵੇਅਰ ਦਾ ਕਹਿਣਾ ਸੀ ਕਿ ਸਿਹਤ ਨਿਰਦੇਸ਼ਾਂ ਦੀ ਉਲੰਘਣਾ ਕਰਨ ਵਾਲੇ ਵਪਾਰਾਂ ਅਤੇ ਲੋਕਾਂ ਦੀ ਗਿਣਤੀ ਵਧਦੀ ਵਿਖਾਈ ਦੇ ਰਹੀ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਬੁੱਧਵਾਰ ਨੂੰ ਐਲਾਨੇ ਗਏ ਬਹੁਤੇ ਜੁਰਮਾਨੇ ਵੱਡੇ ਇਕੱਠਾਂ ਨਾਲ ਜੁੜੇ ਸਨ ਅਤੇ ਪੁਲਿਸ ਨੇ 7 ਤੋਂ 11 ਅਪ੍ਰੈਲ ਵਿਚਾਲੇ ਬਹੁਤੇ ਜੁਰਮਾਨੇ ਜਾਰੀ ਕੀਤੇ ਸਨ ਅਤੇ ਇਸ ਦੌਰਾਨ 5 ਘਰਾਂ ਤਕ ਪਹੁੰਚ ਕੀਤੀ ਗਈ ਸੀ।
ਇਸ ਤਲ ਇਲਾਵਾ ਇੱਕ ਰੈਸਟੂਰੈਂਟ ਦੇ ਮਾਲਿਕ ਨੂੰ ਜੁਰਮਾਨਾ ਲਗਾਇਆ ਗਿਆ ਜਿਸ ਨੇ ਡਾਈਨ-ਇਨ ਸੰਬੰਧੀ ਨਿਰਦੇਸ਼ਾਂ ਦੀ ਪਾਲਣਾ ਨਹੀਂ ਕੀਤੀ ਸੀ।
