11.89C Vancouver 11.89C VancouverApr 19, 2021 5:18 PM -
ਵੈਨਕੂਵਰ ਦੇ ਮੇਅਰ ਕੈਨੇਡੀ ਸਟੀਵਰਟ ਦਾ ਕਹਿਣਾ ਹੈ ਕਿ ਉਨ੍ਹਾਂ ਸ਼ਹਿਰ ਦੇ ਪੁਲਿਸ ਚੀਫ਼ ਨਾਲ ਸੰਪਰਕ ਕੀਤਾ ਹੈ ਅਤੇ ਵੀਕਐਂਡ ਦੌਰਾਨ ਹੋਏ ਅਜਿਹੇ ਇਕੱਠਾਂ ਬਾਰੇ ਗੱਲਬਾਤ ਕੀਤੀ ਹੈ ਜਿਥੇ ਕੋਵਿਡ-19 ਹੈਲਥ ਪਬੰਦੀਆਂ ਦੀ ਪਾਲਣਾ ਨਹੀਂ ਕੀਤੀ ਗਈ।
ਸੋਸ਼ਲ ਮੀਡੀਆ 'ਤੇ ਸਾਂਝੇ ਕੀਤੇ ਇੱਕ ਬਿਆਨ 'ਚ ਸਟੀਵਰਟ ਨੇ ਕਿਹਾ ਕਿ ਵੈਨਕੂਵਰ ਪੁਲਿਸ ਡਿਪਾਰਟਮੈਂਟ ਵੱਲੋਂ ਆਊਟਡੋਰ ਇਕੱਠਾਂ ਅਤੇ ਪਾਰਟੀਆਂ ਬਾਰੇ ਆਪਣੀ ਪਹੁੰਚ 'ਤੇ ਮੁੜ ਤੋਂ ਵਿਚਾਰ ਕੀਤਾ ਜਾਵੇਗਾ।
ਇਲਾਕੇ 'ਚ ਗਰਮ ਤਾਪਮਾਨ ਦੀ ਦਸਤਕ ਵਿਚਾਲੇ ਪਾਰਕਸ ਅਤੇ ਬੀਚਾਂ 'ਤੇ ਵੱਡੀ ਗਿਣਤੀ 'ਚ ਬਿਨਾ ਮਾਸਕ ਪਹਿਨੇ ਲੋਕਾਂ ਨੂੰ ਇਕੱਠਾਂ 'ਚ ਵੇਖਿਆ ਜਾ ਸਕਦਾ ਸੀ।
10 ਤੋਂ ਵਧੇਰੇ ਲੋਕਾਂ ਦੇ ਇਕੱਠ ਨੂੰ ਵੇਖਣ 'ਤੇ ਅਤੇ ਕੋਵਿਡ-19 ਨਿਯਮਾਂ ਦੀ ਉਲੰਘਣਾ ਦੇ ਮਾਮਲੇ 'ਚ ਪੁਲਿਸ ਵੱਲੋਂ ਟਿਕਟ ਵੀ ਜਾਰੀ ਕੀਤੇ ਜਾ ਸਕਦੇ ਹਨ।
ਸਟੀਵਰਟ ਨੇ ਕਿਹਾ ਕਿ ਉਹ ਸਮਝਦੇ ਹਨ ਕਿ ਲੋਕਾਂ 'ਚ ਨਿਰਾਸ਼ਾ ਹੈ ਅਤੇ ਕਰੀਬੀਆਂ ਨੂੰ ਮਿਲਣ ਦੀ ਇੱਛਾ ਹੈ ਪਰ ਉਨ੍ਹਾਂ ਕਿਹਾ ਕਿ ਫਿਲਹਾਲ ਸਮਾਂ ਨਹੀਂ ਹੈ ਕਿ ਵੱਡੇ ਇਕੱਠ ਕੀਤੇ ਜਾਣ।
