9.33C Vancouver 9.33C VancouverAug 16, 2022 12:35 AM - Connect News
ਬੀ.ਸੀ. ਦੀ ਇੱਕ ਔਰਤ ਨੂੰ ਲੌਟਰੀ ਟਿਕਟ 'ਤੇ ਜੈਕਪੌਟ ਜਿੱਤ ਹਾਸਿਲ ਹੋਈ ਹੈ।
ਜੇਤੂ ਔਰਤ ਦਾ ਨਾਮ ਜੈਨੀਫਰ ਕੋਲ ਹੈ।
ਉਸ ਨੂੰ ਜੁਲਾਈ 8 ਦੇ ਲੌਟੋ ਮੈਕਸ ਡਰਾਅ 'ਚ $31 ਮਿਲੀਅਨ ਦੀ ਜਿੱਤ ਹਾਸਿਲ ਹੋਈ ਹੈ।
ਇਹ ਔਰਤ ਵੈਸਟ ਕੈਲੋਨਾ ਦੀ ਨਿਵਾਸੀ ਦੱਸੀ ਗਈ ਹੈ।
ਜੈਨੀਫਰ ਕੋਲ ਦਾ ਕਹਿਣਾ ਸੀ ਕਿ ਉਸ ਨੇ ਬੜੀ ਉਮੀਦ ਨਾਲ ਆਪਣਾ ਟਿਕਟ ਵੇਖਿਆ ਸੀ ਕਿਉਂਕਿ ਉਸ ਨੂੰ ਪਤਾ ਲੱਗਿਆ ਸੀ ਕਿ ਜੇਤੂ ਨੇ ਪਲੇਨਾਓ.ਕਾਮ 'ਤੇ ਟਿਕਟ ਖਰੀਦਿਆ ਹੈ ਅਤੇ ਉਹ ਵੀ ਇਸ ਦੀ ਮੈਂਬਰ ਹੈ।
ਉਹ ਜਾਣ ਕੇ ਦੰਗ ਰਹਿ ਗਈ ਕਿ ਇਹ ਸਾਈਟ ਆਸਰੇ ਟਿਕਟ ਖਰੀਦਣ ਵਾਲੇ ਕਿਸੇ ਵਿਅਕਤੀ ਦਾ ਜਿੱਤਿਆ ਸਭ ਤੋਂ ਵੱਡਾ ਇਨਾਮ ਹੈ।
ਉਸ ਨੇ ਆਪਣੀ ਜਿੱਤੀ ਰਕਮ ਦੀ ਜਾਣਕਾਰੀ ਸਭ ਤੋਂ ਪਹਿਲਾਂ ਆਪਣੇ ਪਰਿਵਾਰ ਨੂੰ ਦਿੱਤੀ ਅਤੇ ਉਸ ਨੇ ਦੱਸਿਆ ਕਿ ਪਰਿਵਾਰ ਬੇਹੱਦ ਖੁਸ਼ ਹੈ।
