14.61C Vancouver 14.61C VancouverMar 12, 2024 5:43 PM - The Canadian Press
ਐਲਬਰਟਾ ਸਣੇ ਵੈਸਟਰਨ ਕੈਨੇਡਾ ਵਿਚ ਇਸ ਸਾਲ ਕੜਾਕੇ ਦੀ ਠੰਡ ਕਾਰਨ $180 ਮਿਲੀਅਨ ਦਾ ਬੀਮਾ ਨੁਕਸਾਨ ਹੋਇਆ ਹੈ। ਕੈਨੇਡਾ ਦੇ ਬੀਮਾ ਬਿਊਰੋ ਮੁਤਾਬਕ 70 ਫੀਸਦੀ ਬੀਮਾ ਦਾਅਵੇ ਠੰਡ ਕਾਰਨ ਪਾਣੀ ਦੇ ਪਾਈਪ ਫਟਣ ਕਾਰਨ ਪ੍ਰਾਪਰਟੀ ਨੂੰ ਹੋਏ ਨੁਕਸਾਨ ਦੇ ਹਨ। 12 ਜਨਵਰੀ ਤੋਂ ਐਲਬਰਟਾ, ਬ੍ਰਿਟਿਸ਼ ਕੋਲੰਬੀਆ ਅਤੇ ਸਸਕੈਚਵਾਨ ਵਿਚ ਤਾਪਮਾਨ ਤੇਜ਼ੀ ਨਾਲ ਡਿੱਗਿਆ ਸੀ।
ਐਡਮਿੰਟਨ ਵਿਚ ਲਗਾਤਾਰ 4 ਦਿਨ ਤਾਪਮਾਨ-40 ਤੋਂ -45 ਡਿਗਰੀ ਸੈਲਸੀਅਸ ਰਿਹਾ। ਇਸ ਕਾਰਨ ਬਹੁਤ ਸਾਰੇ ਇਲਾਕਿਆਂ ਵਿਚ ਪਾਣੀ ਦੀਆਂ ਪਾਈਪ ਫਟੀਆਂ ਅਤੇ ਲੋਕਾਂ ਨੂੰ ਕਾਫੀ ਪਰੇਸ਼ਾਨੀ ਝੱਲਣੀ ਪਈ। ਬਿਊਰੋ ਦੇ ਖਪਤਕਾਰ ਅਤੇ ਉਦਯੋਗ ਸੰਬੰਧਾਂ ਦੇ ਨੈਸ਼ਨਲ ਡਾਇਰੈਕਟਰ ਮੁਤਾਬਕ ਕੜਾਕੇ ਦੀ ਠੰਡ ਵਧਣ ਦੇ ਨਾਲ ਬੀਮਾਕਰਤਾਵਾਂ ਅਤੇ ਟੈਕਸ ਦੇਣ ਵਾਲਿਆਂ ਦੀ ਵਿੱਤੀ ਲਾਗਤ ਵੀ ਵਧੀ ਹੈ।
ਬਿਊਰੋ ਮੁਤਾਬਕ ਲਗਭਗ $180 ਮਿਲੀਅਨ ਦਾ ਅਨੁਮਾਨ ਲਗਾਇਆ ਗਿਆ ਹੈ, ਇਸ ਵਿਚ ਕੁਝ ਬਦਲਾਅ ਹੋ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਸਾਨੂੰ ਕੁਦਰਤੀ ਆਫਤਾਂ ਕਾਰਨ ਹੋਣ ਵਾਲੇ ਨੁਕਸਾਨ ਤੋਂ ਬਚਾਅ ਕਰਨਾ ਚਾਹੀਦਾ ਹੈ, ਜਿਸ ਦੀ ਮਾਰ ਸਭ ਤੋਂ ਵੱਧ ਕਮਜ਼ੋਰ ਲੋਕਾਂ ’ਤੇ ਪੈਂਦੀ ਹੈ।
