23.57C Vancouver 23.57C VancouverOct 14, 2020 9:32 PM -
ਵੈਸਟਜੈਟ ਦੇ ਸੀ.ਈ.ਓ. ਦਾ ਕਹਿਣਾ ਹੈ ਕਿ ਯਾਤਰਾ ਦੀ ਡਿਮਾਂਡ 'ਚ ਗਿਰਾਵਟ ਅਤੇ ਡੋਮੈਸਟਿਕ ਕੁਆਰੰਟੀਨ ਦੇ ਹਾਲਾਤਾਂ ਵਿਚਾਲੇ ਏਅਰਲਾਈਨ ਆਪਣਾ ਪੂਰਾ ਕਨੇਡੀਅਨ ਨੈਟਵਰਕ ਜਾਰੀ ਨਹੀਂ ਰੱਖ ਸਕਦੀ।
ਇੱਕ ਵੀਡੀਓ ਪੋਸਟ 'ਚ ਐੱਡ ਸਿਮਸ ਨੇ ਕਿਹਾ, "ਅਸੀਂ ਰਨਵੇਅ ਤੋਂ ਬਾਹਰ ਹਾਂ।"
ਉਨ੍ਹਾਂ ਦੱਸਿਆ ਕਿ ਅਟਲਾਂਟਿਕ ਕੈਨੇਡਾ ਦੇ ਚਾਰ ਸ਼ਹਿਰਾਂ ਲਈ ਹਵਾਈ ਸੇਵਾ ਬੰਦ ਕੀਤੀ ਜਾ ਰਹੀ ਹੈ।
ਕੁਝ ਹੋਰ ਇਲਾਕਿਆਂ 'ਚ ਵੀ ਸੇਵਾਵਾਂ 'ਚ ਕਟੌਤੀ ਕੀਤੀ ਜਾ ਰਹੀ ਹੈ।
ਵੈਸਟਜੈਟ ਦਾ ਕਹਿਣਾ ਹੈ ਕਿ ਫ੍ਰੈਡ੍ਰਿਕਟਨ, ਮੌਂਕਟਨ, ਨਿਊ ਬਰੰਸਵਿਕ, ਸਿਡਨੀ, ਨੋਵਾ ਸਕੌਸ਼ੀਆ ਅਤੇ ਸ਼ਾਰਲਟਟਾਊਨ ਲਈ ਸੇਵਾਵਾਂ 'ਚ ਕਟੌਤੀ ਕੀਤੀ ਜਾ ਰਹੀ ਹੈ।
ਐਟਲਾਂਟਿਕ ਕੈਨੇਡਾ ਨੂੰ ਕੁੱਲ 100 ਫਲਾਈਟ ਸੇਵਾਵਾਂ ਰੋਕਣ ਦਾ ਐਲਾਨ ਕੀਤਾ ਗਿਆ ਹੈ।
ਪੀ.ਈ.ਆਈ. ਦੇ ਪ੍ਰੀਮਿਅਰ ਡੈਨਿਸ ਕਿੰਗ ਦਾ ਕਹਿਣਾ ਹੈ ਕਿ ਉਹ ਸ਼ਾਰਲਟਟਾਊਨ ਲਈ ਸੇਵਾਵਾਂ ਹਟਾਉਣ ਤੋਂ ਬੇਹੱਦ ਪ੍ਰੇਸ਼ਾਨ ਹਨ।
