ਵੈਸਟਜੈੱਟ ਪਾਇਲਟ, ਏਅਰਲਾਈਨ ਹੜਤਾਲ ਤੋਂ ਪਹਿਲਾਂ ਅਸਥਾਈ ਸੌਦੇ 'ਤੇ ਪਹੁੰਚੇ: ਯੂਨੀਅਨ

ਵੇਸਟਜੇਟ ਅਤੇ ਵੇਸਟਜੇਟ ਦੇ ਪਾਇਲਟਾਂ ਦੀ ਨੁਮਾਇੰਦਗੀ ਕਾਰਨ ਵਾਲੀ ਯੂਨੀਅਨ ਦੇ ਦਰਮਿਆਨ ਅੱਜ ਸਵੇਰੇ ਅਸਥਾਈ ਸਮਝੌਤਾ ਹੋ ਗਿਆ ਹੈ।

ਏਅਰਲਾਈਨ ਵਲੋਂ ਆਪਣੇ ਓਪ੍ਰੇਸ਼ਨਸ ਨੂੰ ਮੁੜ ਸ਼ੁਰੂ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ ਪਰ ਏਅਰਲਾਈਨ ਦਾ ਕਹਿਣਾ ਹੈ ਕਿ ਕਿਉਂਕਿ ਕਈ ਫਲਾਈਟਾਂ ਪਹਿਲਾਂ ਤੋਂ ਹੀ ਰੱਦ ਕੀਤੀਆਂ ਗਈਆਂ ਸਨ, ਇਸ ਲਈ ਓਪ੍ਰੇਸ਼ਨਸ ਨੂੰ ਪੂਰੀ ਤਰ੍ਹਾਂ ਬਹਾਲ ਕਰਨ ਵਿਚ ਕੁਝ ਸਮਾਂ ਲੱਗ ਜਾਵੇਗਾ।

ਯਾਤਰੀਆਂ ਨੂੰ ਆਪਣੀ ਫਲਾਈਟ ਦਾ ਸਮਾਂ ਅਤੇ ਸਟੇਟਸ ਪਹਿਲਾਂ ਤੋਂ ਹੀ ਚੈੱਕ ਕਰਨ ਦੀ ਤਕਦੀਦ ਕੀਤੀ ਗਈ ਹੈ।

ਜ਼ਿਕਰਯੋਗ ਹੈ ਕਿ ਬੀਤੇ ਕੱਲ ਜਦ ਦੋਵਾਂ ਧਿਰਾਂ ਦਰਮਿਆਨ ਗੱਲਬਾਤ ਕਿਸੇ ਨਤੀਜੇ ਤੇ ਨਹੀਂ ਸੀ ਪਹੁੰਚੀ ਤਾਂ ਉਸ ਵੇਲੇ ਕੈਨੇਡਾ ਦੇ ਅੰਦਰ, ਕੈਨੇਡਾ ਅਤੇ ਯੂ.ਐਸ ਦੇ ਦਰਮਿਆਨ ਅਤੇ ਕੁਝ ਵਿਦੇਸ਼ੀ ਉਡਾਣਾਂ ਨੂੰ ਵੀ ਰੱਦ ਕਰ ਦਿੱਤਾ ਗਿਆ ਸੀ।