10.25C Vancouver 10.25C VancouverMay 16, 2023 6:43 PM - Connect News
ਵੈਸਟਜੈੱਟ ਦੇ ਪਾਇਲਟਾਂ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਨੇ ਕੰਪਨੀ ਅਤੇ ਸਰਕਾਰ ਨੂੰ ਸੋਮਵਾਰ ਰਾਤ ਨੂੰ 72 ਘੰਟਿਆਂ ਵਿਚ ਹੜਤਾਲ ਦਾ ਨੋਟਿਸ ਦਿੱਤਾ ਹੈ।
ਮਈ ਦੇ ਲੌਂਗ-ਵੀਕੈਂਡ ਤੋਂ ਪਹਿਲਾਂ ਪਾਇਲਟ ਹੜਤਾਲ ‘ਤੇ ਜਾ ਸਕਦੇ ਹਨ।
ਵੈਸਟਜੈੱਟ ਗਰੁੱਪ ਵੱਲੋਂ ਵੀ ਲੌਕ ਆਊਟ ਨੋਟਿਸ ਜਾਰੀ ਕੀਤਾ ਗਿਆ ਹੈ।
ਵੈਸਟਜੈੱਟ ਨੇ ਕਿਹਾ ਕਿ ਸ਼ੁੱਕਰਵਾਰ ਸਵੇਰੇ 3 ਵਜੇ ਤੋਂ ਕੰਮਕਾਜ ਵਿਚ ਰੁਕਾਵਟ ਸ਼ੁਰੂ ਹੋ ਸਕਦੀ ਹੈ।
ਵੈਸਟਜੈੱਟ ਨੇ ਕਿਹਾ ਕਿ ਪ੍ਰਭਾਵਿਤ ਯਾਤਰੀਆਂ ਦੇ ਪੈਸੇ ਮੋੜੇ ਜਾਣਗੇ ਜਾਂ ਉਨ੍ਹਾਂ ਨੂੰ ਬਣਦੇ ਤਰੀਕੇ ਅਨੁਸਾਰ ਹੋਰ ਸਹੂਲਤ ਦਿੱਤੀ ਜਾਵੇਗੀ।
ਯੂਨੀਅਨ ਨਾਲ ਜੁੜੇ ਵੈਸਟਜੈੱਟ ਦੇ ਕਰੀਬ 1,850 ਪਾਇਲਟ ਹੜਤਾਲ ਦੀ ਤਿਆਰੀ ਵਿਚ ਹਨ।
ਯੂਨੀਅਨ ਅਨੁਸਾਰ ਬਿਹਤਰ ਤਨਖ਼ਾਹਾਂ, ਨੌਕਰੀ ਦੀ ਸੁਰੱਖਿਆ ਅਤੇ ਸਕੈਜੁਲਿੰਗ ਮੁੱਖ ਮੁੱਦੇ ਹਨ।
ਕੰਪਨੀ ਦੇ ਸੀਈਓ ਅਲੈਕਸਿਸ ਵੌਨ ਹੋਨਜ਼ਬਰੋਏਕ ਨੇ ਸੋਮਵਾਰ ਰਾਤ ਨੂੰ ਇੱਕ ਟਵੀਟ 'ਚ ਲਿਖਿਆ ਕਿ ਉਹ ਇਸ ਗੱਲਬਾਤ ਵਿਚ ਨਿਜੀ ਤੌਰ ‘ਤੇ ਸ਼ਾਮਲ ਹੋਏ ਹਨ ਅਤੇ ਜਲਦੀ ਹੀ ਇੱਕ ਵਾਜਿਬ ਸਮਝੌਤੇ ‘ਤੇ ਪਹੁੰਚਣ ਲਈ ਵਚਨਬੱਧ ਹਨ।
