13.69C Vancouver 13.69C VancouverApr 16, 2020 3:10 PM -
ਕੋਵਿਡ-19 ਦੇ ਚੱਲਦਿਆਂ ਵੈਸਟਜੈਟ ਏਅਰਲਾਈਨਜ਼ ਵੱਲੋਂ ਆਪਣੇ 1,700 ਪਾਇਲਟਾਂ ਨੂੰ ਲੇਅ ਆਫ ਕਰਨ ਦਾ ਐਲਾਨ ਕੀਤਾ ਗਿਆ ਹੈ।
ਏਅਰਲਾਈਨ ਪਾਇਲਟਜ਼ ਯੂਨੀਅਨ ਮੁਤਾਬਕ 700 ਮੁਲਾਜ਼ਮਾਂ ਨੂੰ ਦਿੱਤੇ ਨੋਟਿਸਾਂ ਅਨੁਸਾਰ 1 ਮਈ ਤੋਂ ਉਨ੍ਹਾਂ ਦੀਆਂ ਨੌਕਰੀਆਂ ਨਹੀਂ ਰਹਿਣਗੀਆਂ ਅਤੇ 1 ਜੂਨ ਤੋਂ ਤਕਰੀਬਨ 1,000 ਹੋਰ ਪਾਇਲਟਾਂ ਨੂੰ, ਨੌਕਰੀਆਂ ਗਵਾਉਣੀਆਂ ਪੈਣਗੀਆਂ।
ਕੰਪਨੀ ਵੱਲੋਂ ਜਾਰੀ ਕੀਤੀ ਗਈ ਸਟੇਟਮੈਂਟ ਮੁਤਾਬਕ ਕਰੋਨਾਵਾਇਰਸ ਮਹਾਂਮਾਰੀ ਕਾਰਨ ਏਅਰਲਾਈਨ ਇੰਡਸਟਰੀ ਉੱਤੇ ਡੂੰਘਾ ਅਸਰ ਪਿਆ ਹੈ ਅਤੇ ਇਹ ਕਦਮ ਉਸੇ ਦਾ ਨਤੀਜਾ ਹੈ।
ਵੈਸਟਜੈਟ ਦਾ ਕਹਿਣਾ ਹੈ ਕਿ ਲੇਅ ਆਫ ਕੀਤੇ ਗਏ ਪਾਇਲਟਾਂ ਨੂੰ ਵੇਜ ਸਬਸਿਡੀ ਪ੍ਰੋਗਰਾਮ ਲਾਗੂ ਹੋ ਜਾਣ ਤੱਕ ਇਨਐਕਟਿਵ ਸਟੇਟਸ ਅਧੀਨ ਪੇਰੋਲ ਤੇ ਰੱਖਿਆ ਜਾਵੇਗਾ।
ਵੈਸਟਜੈਟ ਨੇ ਮਾਰਚ ਵਿੱਚ ਤਕਰੀਬਨ 6,900 ਕਾਮਿਆਂ ਨੂੰ ਨੌਕਰੀਆਂ ਤੋਂ ਕੱਢਣ ਦਾ ਐਲਾਨ ਕੀਤਾ ਸੀ ਪਰ ਪਿਛਲੇ ਹਫਤੇ ਉਨ੍ਹਾਂ ਵਿੱਚੋਂ 6,400 ਕਰਮਚਾਰੀ ਫੈਡਰਲ ਵੇਜ ਸਬਸਿਡੀ ਪ੍ਰੋਗਰਾਮ ਦੀ ਮਦਦ ਨਾਲ ਦੁਬਾਰਾ ਨੌਕਰੀਆਂ ਤੇ ਰੱਖ ਲਏ ਗਏ ਸਨ।
