14.87C Vancouver 14.87C VancouverAug 15, 2022 9:28 PM - The Canadian Press
ਵੈਟਸੁਵੈਟਨ ਹੈਰੀਡਿਟਰੀ ਚੀਫ਼ਸ ਅਤੇ ਉਨ੍ਹਾਂ ਦੇ ਸਮਰਥਕਾਂ ਵੱਲੋਂ ਉੱਤਰੀ ਬੀ.ਸੀ. 'ਚ ਨਿਰਮਾਣਅਧੀਨ ਨੈਚੁਰਲ ਗੈਸ ਪਾਈਪਲਾਈਨ ਦੇ ਵਿਰੋਧ 'ਚ ਪ੍ਰਦਰਸ਼ਨ ਕੀਤੇ ਗਏ ਹਨ।
ਅੱਜ ਵੈਨਕੂਵਰ 'ਚ ਇਸ ਸੰਬੰਧੀ ਪ੍ਰਦਰਸ਼ਨ ਕੀਤੇ ਗਏ ਅਤੇ ਇਸ ਦੌਰਾਨ ਟਰੈਫਿਕ 'ਚ ਵੀ ਅੜਿੱਕੇ ਪੇਸ਼ ਆਏ।
ਕੈਨੇਡਾ ਭਰ 'ਚ ਕਈ ਕਮਿਊਨਿਟੀਸ ਦੇ ਦੌਰੇ ਦੇ ਅੰਤ ਦੌਰਾਨ ਇਹ ਪ੍ਰਦਰਸ਼ਨ ਕੀਤੇ ਜਾ ਰਹੇ ਹਨ।
ਇਸ ਸੰਬੰਧੀ ਇੱਕ ਗਰੁੱਪ ਵੱਲੋਂ ਸਿਟੀ ਹਾਲ ਕੋਲੋਂ ਚੱਲ ਕੇ ਕੈਂਬੀ ਸਟ੍ਰੀਟ ਬ੍ਰਿਜ ਪਾਰ ਕੀਤਾ ਗਿਆ।
ਇਸ ਤੋਂ ਬਾਅਦ ਸੀ.ਬੀ.ਸੀ. ਦੀ ਵੈਨਕੂਵਰ ਸਥਿਤ ਇਮਾਰਤ ਕੋਲ ਪਹੁੰਚ ਕੀਤੀ ਗਈ।
ਇਹ ਵੀ ਜਾਣਕਾਰੀ ਦਿੱਤੀ ਗਈ ਕਿ ਇਹ ਪ੍ਰਦਰਸ਼ਨ ਵੈਟਸੁਵੈਟਨ ਨੇਸ਼ਨ ਨੂੰ ਮਜਬੂਤੀ ਪ੍ਰਦਾਨ ਕਰਨ ਦੇ ਸੰਘਰਸ਼ ਦਾ ਹਿੱਸਾ ਹਨ।
ਦਰਿਆ ਹੇਠ ਲਗਾਤਾਰ ਕੀਤੀ ਜਾ ਰਹੀ ਡਰੀਲਿੰਗ ਦਾ ਵਿਰੋਧ ਕੀਤਾ ਜਾ ਰਿਹਾ ਹੈ ਅਤੇ ਇਸ ਵਿਰੋਧ ਆਸਰੇ ਬਵਤਾਵਰਨ ਬਦਲਾਅ ਦਾ ਸਾਹਮਣਾ ਕਰ ਰਹੀਆਂ ਇੰਡੀਜਨਸ ਕਮਿਊਨਿਟੀਸ ਨੂੰ ਵੀ ਇਕੱਤਰ ਕਰਨ ਦੀ ਕੋਸ਼ਿਸ਼ ਹੈ।
ਹੈਰੀਡਿਟਰੀ ਚੀਫ਼ਸ ਦਾ ਕਹਿਣਾ ਹੈ ਕਿ ਉਨ੍ਹਾਂ 670km ਦੇ ਕੋਸਟਲ ਗੈਸਲਿੰਕ ਪਾਈਪਲਾਈਨ ਲਈ ਪੂਰੀ ਤਰ੍ਹਾਂ ਹਾਮੀ ਨਹੀਂ ਭਰੀ ਹੈ।
ਇਸ ਪਾਈਪਲਾਈਨ ਆਸਰੇ ਉੱਤਰਪੂਰਬੀ ਇਲਾਕੇ 'ਚ ਸਥਿਤ ਡੌਸਨ ਕਰੀਕ ਤੋਂ ਉੱਤਰੀ ਇਲਾਕੇ 'ਚ ਸਥਿਤ ਕੀਟੀਮੈਟ ਤਕ ਨੈਚੁਰਲ ਗੈਸ ਪਹੁੰਚਾਈ ਜਾਵੇਗੀ।
