11.59C Vancouver 11.59C VancouverFeb 27, 2020 4:26 PM -
ਵੈਟ’ਸੁ’ਵੈਟ’ਇਨ ਹੇਰਾਡਿਟਰੀ ਚੀਫ ਮੁਤਾਬਕ ਸੂਬਾ ਅਤੇ ਫੈਡਰਲ ਸਰਕਾਰ ਦੇ ਨਾਲ ਹੋਣ ਵਾਲੀ ਬੈਠਕ ਜੋ ਪਹਿਲਾਂ ਰੱਦ ਕਰ ਦਿੱਤੀ ਗਈ ਸੀ ਹੁਣ ਅੱਜ, ਵੀਰਵਾਰ ਨੂੰ ਹੋਣ ਜਾ ਰਹੀ ਹੈ।
ਚੀਫ ਨਾ’ਮੋਕਸ ਜਿਨ੍ਹਾਂ ਨੂੰ ਜਾਨ ਰਿਡਸਡੇਲ ਦੇ ਨਾਂ ਨਾਲ ਵੀ ਸੰਬੋਧਤ ਕੀਤਾ ਜਾਂਦਾ ਹੈ ਮੁਤਾਬਕ ਬੈਠਕ ਵੀਰਵਾਰ ਦੁਪਹਿਰ ਅਤੇ ਸ਼ੁੱਕਰਵਾਰ ਨੂੰ ਹੋਵੇਗੀ।
ਉਨ੍ਹਾਂ ਦੱਸਿਆ ਕਿ ਪਹਿਲਾਂ ਫਰਸਟ ਨੇਸ਼ਨ ਨੂੰ ਇਹ ਕਿਹਾ ਗਿਆ ਸੀ ਕਿ ਮੀਟਿੰਗ ਕਿਸੇ ਗਲਤ ਫਹਿਮੀ ਕਾਰਨ ਰੱਦ ਕਰ ਦਿੱਤੀ ਗਈ ਹੈ।
ਬੀ.ਸੀ. ਦੇ ਪ੍ਰੀਮੀਅਰ ਦੇ ਦਫ਼ਤਰ ਮੁਤਾਬਕ ਜਿੱਥੇ ਇਸ ਬੈਠਕ ਤੇ ਹੋਣ ਦੀ ਸੰਭਾਵਨਾ ਹੈ ਉਥੇ ਹੀ ਸੂਬਾ ਸਰਕਾਰ ਵੱਲੋਂ ਵੀਰਵਾਰ ਦੁਪਹਿਰ ਤੱਕ ਇਸ ਗੱਲ ਦੀ ਪੁਸ਼ਟੀ ਨਹੀਂ ਕੀਤੀ ਜਾ ਸਕਦੀ।
ਬੀ.ਸੀ. ਵਿੱਚ ਬਣਨ ਵਾਲੀ ਨੈਚੁਰਲ ਗੈਸ ਪਾਈਪਲਾਈਨ ਦਾ ਵਿਰੋਧ ਕਰ ਰਹੇ ਵੈਟ’ਸੁ’ਵੈਟ’ਇਨ ਹੇਰਾਡਿਟਰੀ ਚੀਫਜ਼ ਨੂੰ ਸਮਰਥਨ ਦੇਣ ਵਾਸਤੇ ਦੇਸ਼ ਭਰ ਵਿੱਚ ਪਿਛਲੇ ਕਈ ਹਫਤਿਆਂ ਤੋਂ ਰੇਲ ਅਤੇ ਸੜਕਾਂ ਉੱਤੇ ਨਾਕੇ ਲਾਏ ਜਾ ਰਹੇ ਹਨ।
ਫੈਡਰਲ ਸਰਕਾਰ ਨਾਲ ਇਸ ਸੰਬੰਧ ਵਿੱਚ ਸੰਪਰਕ ਨਹੀਂ ਹੋ ਸਕਿਆ।
