20.61C Vancouver 20.61C VancouverJul 22, 2021 10:34 PM -
ਫੈਡਰਲ ਸਰਕਾਰ ਵੱਲੋਂ ਇਸਲਾਮੋਫੋਬੀਆ ਨਾਲ ਸੰਬੰਧਤ ਇੱਕ ਸੰਮਿਟ ਕਰਵਾਇਆ ਜਾ ਰਿਹਾ ਹੈ।
ਦੇਸ਼ 'ਚ ਵਾਪਰੀਆਂ ਕੁਝ ਐਂਟੀ ਮੁਸਲਿਮ ਗਤੀਵਿਧੀਆਂ ਵਿਚਾਲੇ ਇਹ ਸੰਮਿਟ ਕਰਵਾਇਆ ਜਾ ਰਿਹਾ ਹੈ।
ਇਸ ਬਾਰੇ ਅੱਜ ਬੀ.ਸੀ. ਦੀ ਐਂਟੀ ਰੇਸਿਸਮ ਇਨੀਸ਼ੀਏਟਿਵਸ ਦੀ ਪਾਰਲੀਅਮੈਂਟਰੀ ਸੈਕਰੇਟਰੀ, ਰਚਨਾ ਸਿੰਘ ਅਤੇ ਸੂਬੇ ਦੀ ਸਿੱਖਿਆ ਮੰਤਰੀ ਜੈਨੀਫਰ ਵਾਈਟਸਾਈਡ ਨੇ ਇੱਕ ਬਿਆਨ ਜਾਰੀ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਬੀਤੇ ਕਰੀਬ ਇੱਕ ਸਾਲ 'ਚ ਦੇਸ਼ 'ਚ ਮੁਸਲਿਮ ਲੋਕਾਂ ਖਿਲਾਫ ਨਫਰਤੀ ਹਮਲਿਆਂ 'ਚ ਵਾਧਾ ਹੋਇਆ ਹੈ।
ਜੂਨ 'ਚ ਔਂਟੈਰੀਓ ਦੇ ਲੰਡਨ 'ਚ ਵਾਪਰੇ ਹਮਲੇ ਨੇ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ ਸੀ।
ਉਨ੍ਹਾਂ ਕਿਹਾ ਕਿ ਸੋਸ਼ਲ ਮੀਡੀਆ 'ਤੇ ਵੀ ਐਂਟੀ-ਮੁਸਲਿਮ ਕਮੈਂਟਸ 'ਚ ਵਾਧਾ ਹੋਇਆ ਹੈ।
ਉਨ੍ਹਾਂ ਕਿਹਾ ਕਿ ਇਹ ਸਭ ਬੇਹੱਦ ਨਿਰਾਸ਼ਾਜਨਕ ਹੈ।
ਉਨ੍ਹਾਂ ਕਿਹਾ ਕਿ ਸੂਬਾ ਸਰਕਾਰ ਕਿਸੇ ਵੀ ਪ੍ਰਕਾਰ ਦੇ ਭੇਦਭਾਵ ਨਾਲ ਨਜਿੱਠਣ ਲਈ ਤਿਆਰ ਹੈ।
ਉਨ੍ਹਾਂ ਕਿਹਾ ਕਿ ਇਹ ਸਿਰਫ ਕਿਹਾ ਨਹੀਂ ਜਾ ਰਿਹਾ ਬਲਕਿ ਸਰਕਾਰ ਐਕਸ਼ਨ ਲਈ ਤਿਆਰ ਹੈ।
