15.63C Vancouver 15.63C VancouverFeb 18, 2021 9:30 PM -
ਬੀ.ਸੀ. 'ਚ ਹਾਰੋ ਸਟ੍ਰੇਟ ਦੇ ਪਾਣੀਆਂ 'ਚ ਇੱਕ ਔਰਕਾ ਨੇ ਨਨ੍ਹੇ ਕਾਲਫ ਯਾਨੀ ਕਿ ਬੱਚੇ ਨੂੰ ਜਨਮ ਦਿੱਤਾ ਹੈ।
ਲੁਪਤ ਹੋਣ ਦੇ ਖਤਰੇ ਦਾ ਸਾਹਮਣਾ ਕਰ ਰਹੀਆਂ ਇਹਨਾਂ ਔਰਕਾਸ ਨੂੰ ਪਸੰਦ ਕਰਨ ਵਾਲੇ ਲੋਕਾਂ ਲਈ ਇਹ ਖੁਸ਼ੀ ਦੀ ਖਬਰ ਹੈ।
ਖਾਸ ਗੱਲ ਇਹ ਸੀ ਕਿ ਇਸ ਬੱਚੇ ਦੇ ਜਨਮ ਮੌਕੇ ਔਰਕਾ ਮੱਛੀਆਂ ਦੇ 3 ਪੌਡ ਇਕੱਠੇ ਹੋ ਗਏ।
ਕੁਝ ਲੋਕਾਂ ਦਾ ਕਹਿਣਾ ਹੈ ਕਿ ਇੰਝ ਲਗਦਾ ਹੈ ਜਿਵੇਂ ਉਹ ਬੱਚੇ ਦੇ ਜਨਮ ਦੀ ਪਾਰਟੀ ਕਰਨ ਲਈ ਇਕੱਠੇ ਹੋਏ ਸਨ।
ਹਾਰੋ ਸਟ੍ਰੇਟ ਦੇ ਪਾਣੀਆਂ 'ਚ ਜੇ. ਪੌਡ, ਕੇ. ਪੌਡ, ਅਤੇ ਐਲ. ਪੌਡ ਦੀਆਂ ਔਰਕਾਸ ਨੂੰ ਇਕੱਠਿਆਂ ਵੇਖਿਆ ਗਿਆ।
ਸੈਂਟਰ ਫੌਰ ਵੇਹਲ ਰਿਸਰਚ ਦੇ ਕੈਨ ਬੈਲਕੌਮ ਦਾ ਕਹਿਣਾ ਸੀ ਕਿ ਇਹ ਐਲ-86 ਕੋਲ ਜਨਮ ਲੈਣ ਵਾਲਾ ਚੌਥਾ ਕਾਲਫ ਹੈ, ਪਰ ਪਹਿਲਾਂ ਦੋ ਕਾਲਫ ਐਡਲਟਹੁਡ ਤਕ ਜਿਉਂਦੇ ਨਹੀਂ ਰਹਿ ਸਕੇ ਸਨ।
ਪਰ ਉਨ੍ਹਾਂ ਕਿਹਾ ਕਿ ਇਹ ਬੇਹੱਦ ਦੁਰਲਭ ਹੈ ਕਿ ਔਰਕਾਸ ਦੇ ਤਿੰਨੇ ਪੌਡ ਇੱਕੋ ਸਮੇਂ 'ਤੇ ਇੱਕ ਜਗ੍ਹਾ 'ਤੇ ਇਕੱਤਰ ਹੋ ਜਾਣ।
