9C Vancouver 9C VancouverMay 27, 2022 1:30 PM - ANI
ਬਾਲੀਵੁੱਡ ਅਦਾਕਾਰ ਸ਼ਾਹਰੁਖ ਖਾਨ ਦੇ ਬੇਟੇ ਆਰੀਅਨ ਖਾਨ ਖਿਲਾਫ ਸ਼ੁੱਕਰਵਾਰ ਨੂੰ ਡਰੱਗ ਚਾਰਜਿਜ ਰੱਦ ਕਰ ਦਿੱਤੇ ਗਏ ਹਨ। ਨਾਰਕੋਟਿਕਸ ਕੰਟਰੋਲ ਬਿਊਰੋ (ਐੱਨ. ਸੀ. ਬੀ.) ਦੇ ਚੀਫ ਐੱਸ. ਐੱਨ. ਪ੍ਰਧਾਨ ਨੇ ਕਿਹਾ ਕਿ ਫਿਜੀਕਲ ਸਬੂਤਾਂ ਤੋਂ ਬਿਨਾਂ ਵਟਸਐਪ ਚੈਟ ਦੀ ਕੋਈ ਵੈਲਿਊ ਨਹੀਂ ਹੈ।
ਉਨ੍ਹਾਂ ਕਿਹਾ ਕਿ ਵਿਅਕਤੀ ਵਟਸਐਪ 'ਤੇ ਕਿਸੇ ਵੀ ਚੀਜ਼ ਬਾਰੇ ਗੱਲਬਾਤ ਕਰ ਸਕਦਾ ਹੈ ਪਰ ਫਿਜੀਕਲ ਮੌਜੂਦਗੀ ਤੋਂ ਬਿਨਾਂ ਇਹ ਪੁੱਖਤਾ ਸਬੂਤ ਨਹੀਂ ਹੈ।
ਐੱਨ. ਸੀ. ਬੀ. ਚੀਫ ਨੇ ਕਿਹਾ, "ਵਟਸਐਪ ਚੈਟ ਦੀ ਫਿਜੀਕਲ ਪੁਸ਼ਟੀ ਹੋਣੀ ਚਾਹੀਦੀ ਹੈ। ਅਦਾਲਤ ਨੇ ਸਪੱਸ਼ਟ ਕਿਹਾ ਹੈ ਕਿ ਵਟਸਐਪ ਚੈਟ ਆਪਣੇ-ਆਪ ਵਿਚ ਕੋਈ ਵੈਲਿਊ ਨਹੀਂ ਰੱਖਦੀ। ਕੋਈ ਵੀ ਬੰਦਾ ਕਿਸੇ ਵੀ ਚੀਜ਼ ਬਾਰੇ ਵਟਸਐਪ 'ਤੇ ਗੱਲ ਕਰ ਸਕਦਾ ਹੈ ਪਰ ਜੇ ਇਸ ਦਾ ਫਿਜੀਕਲ ਸਬੂਤ ਨਹੀਂ ਹੈ ਤਾਂ ਇਹ ਪੂਰੀ ਤਰ੍ਹਾਂ ਪੁੱਖਤਾ ਸਬੂਤ ਨਹੀਂ ਹੈ।''
ਗੌਰਤਲਬ ਹੈ ਕਿ ਐੱਨ. ਸੀ. ਬੀ. ਨੇ ਸਬੂਤਾਂ ਦੀ ਘਾਟ ਕਾਰਨ ਕਥਿਤ ਕਰੂਜ਼ ਡਰੱਗ ਬਸਟ ਕੇਸ ਵਿਚ ਆਰੀਅਨ ਖਾਨ ਅਤੇ ਪੰਜ ਹੋਰਾਂ ਵਿਰੁੱਧ ਕੋਈ ਸ਼ਿਕਾਇਤ ਦਰਜ ਨਹੀਂ ਕੀਤੀ ਹੈ। ਆਰੀਅਨ ਖਾਨ, ਅਰਬਾਜ਼ ਮਰਚੈਂਟ ਅਤੇ ਮੁਨਮੁਨ ਧਮੇਚਾ ਨੂੰ ਬੰਬੇ ਹਾਈਕੋਰਟ ਨੇ 28 ਅਕਤੂਬਰ 2021 ਨੂੰ ਜ਼ਮਾਨਤ ਦੇ ਦਿੱਤੀ ਸੀ।
