ਡਾ. ਹਰਸ਼ਵਰਧਨ ਨੂੰ ਡਬਲਿਊ.ਐਚ.ਓ ‘ਚ ਮਿਲੀ ਵੱਡੀ ਜ਼ਿੰਮੇਵਾਰੀ, ਕਿਹਾ 'ਭਾਰਤ ਫੈਸਲਾ ਕਰਦਾ ਹੈ, ਤਾਂ ਪੂਰਾ ਕਰ ਕੇ ਵਿਖਾਉਂਦਾ ਹੈ'

ਭਾਰਤ ਦੇ ਕੇਂਦਰੀ ਸਿਹਤ ਮੰਤਰੀ ਡਾ. ਹਰਸ਼ਵਰਧਨ ਨੇ ਵਰਲਡ ਹੈਲਥ ਔਰਗੇਨਾਈਜ਼ੇਸ਼ਨ ਐਜ਼ੀਕਿਊਟਿਵ ਬੋਰਡ ਦੇ ਚੇਅਰਮੈਨ ਵਜੋਂ ਜ਼ਿੰਮੇਵਾਰੀ ਸਵੀਕਾਰ ਕੀਤੀ ਹੈ।

ਇੱਕ ਵੀਡੀਓ ਕਾਨਫਰੰਸਿੰਗ ਜ਼ਰੀਏ 147ਵੀਂ ਡਬਲਿਊ.ਐਚ.ਓ. ਐਗਜ਼ੀਕਿਊਟਿਵ ਬੋਰਡ ਬੈਠਕ ਦਾ ਸੰਬੋਧਨ ਕਰਦੇ ਹੋਏ, ਡਾ. ਹਰਸ਼ਵਰਧਨ ਨੇ ਕਿਹਾ, "ਜਦ ਭਾਰਤ ਫੈਸਲਾ ਲੈਂਦਾ ਹੈ, ਤਾਂ ਪ੍ਰਫਾਰਮ ਕਰਦਾ ਹੈ। ਅਸੀਂ ਆਪਣੇ ਦੇਸ਼ ਵਿੱਚੋਂ ਪੋਲੀਓ ਅਤੇ ਸਮਾਲ ਪਾਕਸ ਜਿਹੇ ਰੋਗਾਂ ਨੂੰ ਖਤਮ ਕਰ ਦਿੱਤਾ।

ਜਦ ਇਹ ਕਾਮਯਾਬੀ ਮਿਲੀ ਤਾਂ ਭਾਰਤ ਗਰੀਬੀ ਨਾਲ ਜੂਝ ਰਿਹਾ ਸੀ। ਬੀਤੇ ਕੁਝ ਸਮੇਂ ਦੌਰਾਨ ਭਾਰਤ ਨੇ ਕੋਵਿਡ-19 ਦੀ ਚੁਣੌਤੀ ਦਾ ਡਟ ਕੇ ਸਾਹਮਣਾ ਕੀਤਾ ਹੈ।

ਅੱਜ ਸਾਡੇ ਮੌਤ ਦੇ ਅੰਕੜੇ 3% ਤੱਕ ਸੀਮਤ ਹਨ। 1.35 ਬਿਲੀਅਨ ਦੀ ਆਬਾਦੀ ਵਾਲੇ ਦੇਸ਼ ਵਿੱਚ ਸਿਰਫ 0.1 ਮਿਲੀਅਨ ਕੋਵਿਡ-19 ਦੇ ਮਾਮਲੇ ਸਾਹਮਣੇ ਆਏ ਹਨ। ਰਿਕਵਰੀ ਰੇਟ 40% ਤੋਂ ਵਧੇਰੇ ਦਾ ਹੈ, ਅਤੇ ਮਾਮਲਿਆਂ ਸੰਬੰਧੀ ਦਬਲਿੰਗ ਰੇਟ 13 ਦਿਨਾਂ ਦਾ ਹੈ।"

ਯਾਦ ਰਹੇ ਐਜ਼ੀਕਿਊਟਿਵ ਬੋਰਡ ਦੇ ਵਿੱਚ ਸਿਹਤ ਖੇਤਰ ਨਾਲ ਸੰਬੰਧਤ 34 ਟੈਕਨੀਕਲੀ ਕਵਾਲੀਫਾਈਡ ਮਾਹਿਰ ਹੁੰਦੇ ਹਨ। ਹੈਲਥ ਅਸੈਂਬਲੀ ਦੀਆਂ ਨੀਤੀਆਂ ਨੂੰ ਹੋਂਦ 'ਚ ਲਿਆਉਣਾ ਐਗਜ਼ੀਕਿਊਟਿਵ ਬੋਰਡ ਦੀ ਜ਼ਿੰਮੇਵਾਰੀ ਹੁੰਦੀ ਹੈ।