16.27C Vancouver 16.27C VancouverSep 21, 2022 8:20 PM - Connect News
ਸਰੀ ਫਰਸਟ ਦੇ ਮੇਅਰਲ ਕੈਂਡੀਡੇਟ ਗੌਰਡੀ ਹੌਗ ਦਾ ਕਹਿਣਾ ਹੈ ਕਿ ਸ਼ਹਿਰ 'ਚ ਫਾਇਰਫਾਈਟਰਸ ਦੀ ਕਮੀ ਹੈ।
ਉਨ੍ਹਾਂ ਕਿਹਾ ਕਿ ਸ਼ਹਿਰ 'ਚ 60 ਫਾਇਰਫਾਈਟਰਸ ਦੀ ਘਾਟ ਹੈ ਅਤੇ ਸਾਲ 2018 ਤੋਂ ਸਿਰਫ 10 ਫਾਇਰਫਾਈਟਰਸ ਹਾਇਰ ਕੀਤੇ ਗਏ ਹਨ।
ਹੌਗ ਨੇ ਕਿਹਾ ਕਿ ਜਦ ਸਰੀ ਕੋਲ ਲੋੜ ਅਨੁਸਾਰ ਪੁਲਿਸ ਅਤੇ ਫਾਇਰਫਾਈਟਰਸ ਨਾ ਹੋਣ ਤਾਂ ਅਜਿਹੇ 'ਚ ਪਰਿਵਾਰਾਂ ਲਈ ਖਤਰਾ ਖੜਾ ਹੁੰਦਾ ਹੈ।
ਉਨ੍ਹਾਂ ਕਿਹਾ ਕਿ ਵੈਨਕੂਵਰ ਕੋਲ ਕਰੀਬ 800 ਫਾਇਰਫਾਈਟਰ ਹਨ ਜਦਕਿ ਸਰੀ ਕੋਲ ਕਰੀਬ 400 ਫਾਇਰਫਾਈਟਰਸ ਹੀ ਹਨ।
ਉਨ੍ਹਾਂ ਕਿਹਾ ਕਿ ਅੰਕੜੇ ਦਰਸ਼ਾਉਂਦੇ ਹਨ ਕਿ ਵੈਨਕੂਵਰ 'ਚ ਪ੍ਰਤੀ 850 ਨਾਗਰਿਕਾਂ ਪਿੱਛੇ ਇੱਕ ਫਾਇਰਫਾਈਟਰ ਹੈ ਜਦਕਿ ਸਰੀ 'ਚ ਔਸਤ ਅਨੁਸਾਰ 1600 ਨਾਗਰਿਕਾਂ ਪਿੱਛੇ ਇੱਕ ਫਾਇਰਫਾਈਟਰ ਹੈ।
ਉਨ੍ਹਾਂ ਕਿਹਾ ਕਿ ਜੇਕਰ ਉਨ੍ਹਾਂ ਨੂੰ ਮੇਅਰ ਚੁਣਿਆ ਜਾਂਦਾ ਹੈ ਤਾਂ ਅਗਲੇ 4 ਸਾਲ ਤਕ ਪ੍ਰਤੀ ਸਾਲ 15 ਨਵੇਂ ਫਾਇਰਫਾਈਟਰਸ ਹਾਇਰ ਕੀਤੇ ਜਾਣਗੇ।
