12.67C Vancouver 12.67C VancouverFeb 16, 2021 6:41 PM -
ਬੀ.ਸੀ. 'ਚ ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਆਉਂਦੇ ਕੁਝ ਦਿਨਾਂ ਲਈ ਵਿਸਲਰ ਬੈਕਕੰਟਰੀ ਵੱਲ ਆਉਣ-ਜਾਣ ਤੋਂ ਬਚਾਅ ਕੀਤਾ ਜਾਵੇ।
ਇਸ ਇਲਾਕੇ 'ਚ ਬਰਫ ਖਿਸਕਣ ਦਾ ਖਤਰਾ ਦੱਸਿਆ ਗਿਆ ਹੈ।
ਆਰ.ਸੀ.ਐਮ.ਪੀ. ਨੇ ਇਸ ਵੀਕਐਂਡ ਦੌਰਾਨ ਬਰਫ ਖਿਸਕਣ ਦੀਆਂ ਘਟਨਾਵਾਂ ਨਾਲ ਜੁੜੀਆਂ 2 ਮੌਤਾਂ ਰਿਪੋਰਟ ਕੀਤੀਆਂ ਹਨ।
ਕਈ ਸਕੀਅਰਸ ਅਤੇ ਸਨੋਬੋਰਡਰਸ ਨੂੰ ਸੱਟਾਂ ਲੱਗੀਆਂ ਵੀ ਦੱਸੀਆਂ ਗਈਆਂ ਹਨ।
ਇਹ ਘਟਨਾਵਾਂ 'ਬਲੈਕਕੋਂਬ ਗਲੇਸ਼ੀਅਰ' ਅਤੇ 'ਬਰੈਂਡੀਵਾਈਨ ਬੋਲ' ਇਲਾਕਿਆਂ 'ਚ ਵਾਪਰੀਆਂ ਸਨ।
ਐਵਲਾਂਸ਼ ਕੈਨੇਡਾ ਤੋਂ ਇਲਿਆ ਸਟੌਰਮ ਦਾ ਕਹਿਣਾ ਸੀ ਕਿ ਠੰਡੀਆਂ ਹਵਾਵਾਂ ਅਤੇ ਬਰਫਬਾਰੀ ਨੇ ਅਜਿਹੀਆਂ ਪਰਿਸਥਿਤੀਆਂ ਬਣਾ ਦਿੱਤੀਆਂ ਹਨ ਜੋ ਕਿ ਇਸ ਇਲਾਕੇ 'ਚ ਆਮ ਵੇਖਣ ਨੂੰ ਨਹੀਂ ਮਿਲਦੀਆਂ।
ਸਟੌਰਮ ਨੇ ਕਿਹਾ ਕਿ ਸਨੋਪੈਕ ਦੀ ਬਣਤਰ ਅਤੇ ਦਿੱਕਤਾਂ ਵਾਲੇ ਇਲਾਕੇ ਦੱਖਣੀ ਤਟ ਦੇ ਲਈ ਆਮ ਨਹੀਂ ਹੈ।
