9.47C Vancouver 9.47C VancouverJan 21, 2022 11:15 PM - The Canadian Press
ਵਿਸਲਰ ਦੇ ਵਿੱਚ 80 ਤੋਂ ਵਧੇਰੇ ਟ੍ਰਾਂਜ਼ਿਟ ਵਰਕਰਾਂ ਨੇ 72 ਘੰਟੇ ਦਾ ਹੜਤਾਲ ਦਾ ਨੋਟਿਸ ਦੇ ਦਿੱਤਾ ਹੈ।
ਵਰਕਰਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦਾ ਕੰਮ ਵੈਨਕੂਵਰ ਅਤੇ ਵਿਕਟੋਰੀਆ ਦੇ ਬੱਸ ਚਾਲਕਾਂ ਜਿਹਾ ਹੀ ਹੈ ਅਤੇ ਹੁਣ ਸਮਾਂ ਆ ਗਿਆ ਹੈ ਕਿ ਤਨਖਾਹਾਂ 'ਚ ਵਿਤਕਰੇ ਨੂੰ ਘਟਾਇਆ ਜਾਵੇ।
ਵਰਕਰਾਂ ਦੀ ਨੁਮਾਇੰਦਗੀ ਕਰਨ ਵਾਲੇ ਯੂਨੀਫੌਰ ਨੇ ਇਸ ਸੰਬੰਧੀ ਇੱਕ ਟਵੀਟ ਕਰ ਕੇ ਜਾਣਕਾਰੀ ਸਾਂਝੀ ਕੀਤੀ ਹੈ।
ਬੀਤੇ ਸਾਲ ਅਗਸਤ ਵਿੱਚ ਡਰਾਈਵਰਸ ਨੇ ਜੌਬ ਐਕਸ਼ਨ ਦੇ ਪੱਖ 'ਚ ਵੋਟ ਕੀਤਾ ਸੀ।
ਹਾਲਾਂਕਿ ਉਸ ਵੇਲੇ ਤੋਂ ਤਨਖਾਹਾਂ, ਬੈਨੀਫਿਟਸ, ਪੈਨਸ਼ਨਸ ਅਤੇ ਜੌਬ ਸਿਕਿਉਰਿਟੀ ਨਾਲ ਸੰਬੰਧਤ ਮਸਲਿਆਂ 'ਤੇ ਕੋਈ ਕਰਾਰ ਨਹੀਂ ਹੋ ਸਕਿਆ ਹੈ।
ਯੂਨੀਫੌਰ ਨੈਸ਼ਨਲ ਪ੍ਰੈਜ਼ੀਡੈਂਟ, ਜੈਰੀ ਡੀਆਜ਼ ਦਾ ਕਹਿਣਾ ਹੈ ਕਿ ਵਿਸਲਰ 'ਚ ਹਾਊਸਿੰਗ ਦੀਆਂ ਕੀਮਤਾਂ ਵਧਦੀਆਂ ਜਾ ਰਹੀਆਂ ਹਨ ਅਤੇ ਅਜਿਹੇ 'ਚ ਸਟਾਫਿੰਗ ਸੰਕਟ ਮੰਡਰਾਉਣ ਲੱਗੇਗਾ।
ਉਨ੍ਹਾਂ ਕਿਹਾ ਕਿ ਵਾਜਿਬ ਤਨਖਾਹਾਂ ਨਾਲ ਡਰਾਈਵਰਸ ਨੂੰ ਹਾਊਸਿੰਗ ਮਾਰਕਿਟ ਤੋਂ ਬਾਹਰ ਹੋਣ ਤੋਂ ਬਚਾਇਆ ਜਾ ਸਕਦਾ ਹੈ।
ਬੀ.ਸੀ. ਟ੍ਰਾਂਜ਼ਿਟ ਵੱਲੋਂ ਵਿਸਲਰ ਅਤੇ ਪੈਂਬਰਟਨ 'ਚ ਵਿਸਲਰ ਟ੍ਰਾਂਜ਼ਿਟ ਦੇ ਕੰਟਰੈਕਟ ਹੇਠ ਬੱਸਾਂ ਆਪਰੇਟ ਕੀਤੀਆਂ ਜਾਂਦੀਆਂ ਹਨ।
