10.49C Vancouver 10.49C VancouverJun 22, 2020 11:26 PM -
ਵਰਲਡ ਹੈਲਥ ਆਰਗੇਨਾਈਜ਼ੇਸ਼ਨ ਦਾ ਕਹਿਣਾ ਹੈ ਕਿ ਕੋਵਿਡ-19 ਦੇ ਹਰ ਰੋਜ਼ ਦੇ ਦਰਜ ਕੀਤੇ ਜਾ ਰਹੇ ਮਾਮਲਿਆਂ ਵਿੱਚ ਰਿਕਾਰਡ ਵਾਧਾ ਦਰਜ ਕੀਤਾ ਜਾ ਰਿਹਾ ਹੈ।
ਪਰ ਉਨ੍ਹਾਂ ਕਿਹਾ ਕਿ ਅਜਿਹਾ ਇਸਲਈ ਹੈ ਕਿ, ਪੈਂਡੇਮਿਕ ਇੱਕੋ ਸਮੇਂ ਕਈ ਵੱਡੇ ਦੇਸ਼ਾਂ 'ਚ ਚੋਟੀ 'ਤੇ ਪਹੁੰਚ ਗਿਆ ਹੈ।
ਐਮਰਜੈਂਸੀ ਚੀਫ਼ ਡਾਕਟਰ ਮਾਈਕਲ ਰਾਇਨ ਦਾ ਕਹਿਣਾ ਹੈ ਕਿ, ਗਿਣਤੀ 'ਚ ਵਾਧਾ ਇਸਲਈ ਹੋ ਰਿਹਾ ਹੈ ਕਿ ਵੱਡੀ ਆਬਾਦੀ ਵਾਲੇ ਦੇਸ਼ਾਂ 'ਚ ਇੱਕੋ ਸਮੇਂ 'ਤੇ ਵਾਇਰਸ ਚੋਟੀ 'ਤੇ ਪੋਹੁਂਚਿਆ ਹੈ।
ਭਾਰਤ ਅਤੇ ਅਮਰੀਕਾ ਜਿਹੇ ਕੁਝ ਦੇਸ਼ਾਂ ਨੇ ਮਾਮਲਿਆਂ ਦੀ ਗਿਣਤੀ 'ਚ ਵਾਧੇ ਨੂੰ ਟੈਸਟਿੰਗ 'ਚ ਹੋਏ ਵਾਧੇ ਨਾਲ ਜੋੜ ਕੇ ਪੇਸ਼ ਕੀਤਾ ਹੈ, ਪਰ ਡਾ. ਰਾਇਨ ਨੇ ਇਸ ਤਰਕ ਨੂੰ ਖਾਰਿਜ ਕੀਤਾ ਹੈ।
ਫਲੋਰੀਡਾ 'ਚ 100,000 ਤੋਂ ਵੱਧ ਮਾਮਲੇ ਹੋ ਚੁੱਕੇ ਰਿਪੋਰਟ
ਸਿਹਤ ਅਧਿਕਾਰੀਆਂ ਵੱਲੋਂ ਜਾਣਕਾਰੀ ਦਿੱਤੀ ਜਾ ਰਹੀ ਹੈ ਕਿ ਫਲੋਰੀਡਾ 'ਚ 100,000 ਤੋਂ ਵਧੇਰੇ ਲੋਕ ਕੋਵਿਡ-19 ਨਾਲ ਪੀੜਤ ਪਾਏ ਜਾ ਚੁੱਕੇ ਹਨ।
ਲੋਕ ਸਿਹਤ ਅਧਿਕਾਰੀਆਂ ਵੱਲੋਂ ਇੱਕ ਵਾਰ ਫਿਰ ਤੋਂ ਸਲਾਹਾਂ ਜਾਰੀ ਕੀਤੀਆਂ ਜਾ ਰਹੀਆਂ ਹਨ ਅਤੇ ਲੋਕਾਂ ਨੂੰ ਸੋਸ਼ਲ ਡਿਸਟੈਨਸਿੰਗ ਦਾ ਧਿਆਨ ਰੱਖਣ ਅਤੇ ਮਾਸਕ ਪਹਿਨਣ ਨੂੰ ਕਿਹਾ ਗਿਆ ਹੈ।
ਇੱਕ ਬ੍ਰੀਫਿੰਗ ਦੌਰਾਨ ਮਾਇਆਮੀ ਬੀਚ ਦੇ ਮੇਯਰ ਡੈਨ ਗੈਲਬਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਸ਼ਹਿਰ ਨੇ ਵਾਇਰਸ ਸੰਬੰਧੀ ਵੱਡਾ ਵਾਧਾ ਦਰਜ ਕੀਤਾ ਹੈ।
ਨਵੀਆਂ ਇਨਫੈਕਸ਼ਨਾਂ ਦੇ ਮਾਮਲਿਆਂ ਦੇ ਬਾਵਜੂਦ, ਗਵਰਨਰ ਰੌਨ ਡੀਸੈਂਟੀਸ ਨੇ ਕੋਈ ਇਸ਼ਾਰਾ ਨਹੀਂ ਕੀਤਾ ਹੈ ਕਿ ਸੂਬੇ ਨੂੰ ਖੋਲ੍ਹਣ ਸੰਬੰਧੀ ਪਲੈਨ 'ਚ ਕੋਈ ਤਬਦੀਲੀ ਕੀਤੀ ਜਾ ਰਹੀ ਹੈ।
