ਬੀ.ਸੀ. ਦੇ ਦੱਖਣੀ ਅੰਦਰੂਨੀ ਹਿੱਸੇ ਦੇ ਕੁਝ ਹਿੱਸਿਆਂ ਲਈ ਗਰਮੀ ਦੀ ਚੇਤਾਵਨੀ ਜਾਰੀ

ਬੀ.ਸੀ. ਦੇ ਦੱਖਣੀ ਅੰਦਰੂਨੀ ਹਿੱਸੇ ਦੇ ਕੁਝ ਹਿੱਸਿਆਂ ਲਈ ਗਰਮੀ ਦੀ ਚੇਤਾਵਨੀ ਜਾਰੀ ਹੈ। ਅਸਲ ਵਿਚ ਵਾਤਾਵਰਣ ਕੈਨੇਡਾ ਵਲੋਂ ਸੂਬੇ ਦੇ ਜ਼ਿਆਦਾਤਰ ਦੱਖਣੀ ਅੰਦਰੂਨੀ ਹਿੱਸੇ ਲਈ ਗਰਮੀ ਦੀ ਚਿਤਾਵਨੀ ਦਿੱਤੀ ਜਾ ਰਹੀ ਹੈ। ਫੈਡਰਲ ਮੌਸਮ ਏਜੰਸੀ ਅਨੁਸਾਰ ਖੇਤਰ ਵਿੱਚ ਉੱਚ ਦਬਾਅ ਦੀ ਲੜੀ ਬਣੀ ਹੋਈ ਹੈ ਜਿਸ ਕਾਰਨ ਜ਼ਿਆਦਾ ਸਮੇਂ ਤਕ ਤਾਪਮਾਨ ਵੱਧ ਰਹੇਗਾ ਪਰ ਰਾਤ ਨੂੰ ਥੋੜ੍ਹੀ ਰਾਹਤ ਮਿਲਣ ਦੀ ਉਮੀਦ ਹੈ।

ਇਸ ਤੋਂ ਇਲਾਵਾ ਅਗਲੇ ਹਫਤੇ ਗਰਮ ਮੌਸਮ ਮੱਧਮ ਹੋਣ ਦੀ ਉਮੀਦ ਹੈ। ਏਜੰਸੀ ਅਨੁਸਾਰ ਕੇਲੋਨਾ ਅਤੇ ਕੇਂਦਰੀ ਓਕਾਨਾਗਨ ਵਿੱਚ ਤਾਪਮਾਨ ਮੱਧ ਤੋਂ ਉੱਚੇ ਪੱਧਰ ’ਤੇ 30 ਡਿਗਰੀ ਦਰਮਿਆਨ ਰਹਿਣ ਦੀ ਉਮੀਦ ਹੈ ਜਦਕਿ ਰਾਤ ਨੂੰ ਤਾਪਮਾਨ ਘਟ ਜਾਵੇਗਾ।

ਕ੍ਰੇਨਬਰੂਕ ਅਤੇ ਸੁਸ਼ਵੈਪ ਸਮੇਤ ਪੂਰਬੀ ਕੁਟੈਨੇ ਵਿਚ ਵੀ ਅਜਿਹੇ ਹਾਲਾਤ ਰਹਿਣ ਦੀ ਉਮੀਦ ਹੈ। ਵਾਤਾਵਰਣ ਕੈਨੇਡਾ ਅਨੁਸਾਰ ਗਰਮ ਮੌਸਮ ਕਾਰਨ ਜਨਤਕ ਸਿਹਤ ਲਈ ਮੱਧਮ ਖਤਰਾ ਰਹੇਗਾ।

ਵਾਤਾਵਰਣ ਕੈਨੇਡਾ ਦਾ ਕਹਿਣਾ ਹੈ ਕਿ ਹਫਤਾ ਬੀਤਣ ਦੇ ਨਾਲ ਗਰਮੀ ਘੱਟ ਹੋਣ ਦੀ ਉਮੀਦ ਹੈ ਪਰ ਕਮਲੂਪਸ ਵਰਗੇ ਸ਼ਹਿਰਾਂ ਵਿੱਚ ਦਿਨ ਦਾ ਤਾਪਮਾਨ 40 ਡਿਗਰੀ ਤੋਂ ਵੱਧ ਤੱਕ ਪਹੁੰਚਣ ਦਾ ਅਨੁਮਾਨ ਹੈ। ਬੀ.ਸੀ. ਵਾਈਲਡ ਫਾਇਰ ਸਰਵਿਸ ਦਾ ਕਹਿਣਾ ਹੈ ਕਿ ਸੂਨੇ ਵਿਚ ਇਸ ਵੇਲੇ 150 ਦੇ ਕਰੀਬ ਜੰਗਲੀ ਅੱਗਾਂ ਬਲ ਰਹੀਆਂ ਹਨ।