15.6C Vancouver 15.6C VancouverApr 19, 2021 5:27 PM -
ਬੀ.ਸੀ. ਦੇ ਦੱਖਣੀ ਇੰਟੀਰੀਅਰ 'ਚ ਬਲਦੀ ਵਾਈਲਡਫਾਇਰ ਦੇ ਕਾਰਨ ਇਸ ਸੀਜ਼ਨ ਦਾ ਪਹਿਲਾਂ ਏਵੈਕਯੂਏਸ਼ਨ ਐਲਰਟ ਜਾਰੀ ਕੀਤਾ ਗਿਆ ਹੈ।
ਥੌਂਪਸਨ-ਨਿਕੋਲਾ ਰੀਜਨਲ ਡਿਸਟ੍ਰਿਕਟ (Thompson-Nicola Regional District) ਵੱਲੋਂ ਕੈਨਫੋਰਡ (Canford) ਦੀ ਛੋਟੀ ਕਮਿਊਨਿਟੀ ਲਈ ਐਲਰਟ ਜਾਰੀ ਕੀਤਾ ਗਿਆ ਹੈ।
ਇਹ ਅੱਗ ਮੈਰਿਟ ਦੇ ਉੱਤਰਪੱਛਮ 'ਚ ਕਰੀਬ 12km ਦੀ ਦੂਰੀ 'ਤੇ ਬਲ ਰਹੀ ਹੈ।
ਬੀ.ਸੀ. ਵਾਈਲਡਫਾਇਰ ਸਰਵਿਸ ਦਾ ਕਹਿਣਾ ਹੈ ਕਿ ਇਸ ਅੱਗ ਨੂੰ ਕਿਸੇ ਮਨੁੱਖੀ ਗਤੀਵਿਧੀ ਕਾਰਨ ਸ਼ੁਰੂ ਹੋਇਆ ਮੰਨਿਆ ਜਾ ਰਿਹਾ ਹੈ।
ਇਹ ਅੱਗ ਕਰੀਬ 1 ਸਕਵੇਅਰ ਕਿਲੋਮੀਟਰ ਦੇ ਦਾਇਰੇ 'ਚ ਫੈਲੀ ਦੱਸੀ ਜਾ ਰਹੀ ਹੈ।
ਐਤਵਾਰ ਨੂੰ ਬੀ.ਸੀ. 'ਚ ਦੱਖਣੀ ਵੈਨਕੂਵਰ ਆਈਲੈਂਡ ਤੋਂ ਲੈਕੇ ਪ੍ਰਿੰਸ ਜੌਰਜ ਅਤੇ ਕਰੈਨਬਰੂਕ ਦੇ ਇਲਾਕਿਆਂ ਤਕ ਕਰੀਬ ਇੱਕ ਦਰਜਨ ਵਾਈਲਡਫਾਇਰਸ ਰਿਪੋਰਟ ਹੋਈਆਂ ਹਨ।
ਸੂਬੇ ਦੇ ਬਹੁਤੇ ਹਿੱਸੇ ਲਈ ਵਾਈਲਡਫਾਇਰ ਦੇ ਖਤਰੇ ਨੂੰ ਘੱਟ ਜਾਂ ਮੱਧਮ ਪੱਧਰ ਦਾ ਦੱਸਿਆ ਗਿਆ ਹੈ।
ਯਾਦ ਰਹੇ ਬੀਤੇ ਕੁਝ ਦਿਨਾਂ 'ਚ ਸੂਬੇ 'ਚ ਗਰਮ ਤਾਪਮਾਨ ਦੇ ਕਈ ਰਿਕਾਰਡ ਟੁੱਟੇ ਹਨ।
