17.98C Vancouver 17.98C VancouverJul 14, 2021 8:58 PM -
ਕੈਰੀਬੂ ਰੀਜਨਲ ਡਿਸਟ੍ਰਿਕਟ ਦਾ ਕਹਿਣਾ ਹੈ ਕਿ 500 ਦੇ ਕਰੀਬ ਪ੍ਰਾਪਰਟੀਆਂ, ਜੋ ਕਿ 100 ਮਾਈਲ ਹਾਊਸ ਦੇ ਇਲਾਕੇ 'ਚ ਸਥਿਤ ਹਨ, ਉਨ੍ਹਾਂ ਲਈ ਜਾਨ ਦੇ ਖਤਰੇ ਜਿਹੀ ਸਥਿਤੀ ਬਣ ਗਈ ਹੈ।
ਕੈਨਿਮ ਲੇਕ ਦੇ ਦੱਖਣ 'ਚ ਬਲ ਰਹੀ ਵਾਈਲਡਫਾਇਰ ਕਾਰਨ ਇਸ ਇਲਾਕੇ ਦੇ ਲੋਕਾਂ ਲਈ ਖਤਰਾ ਖੜਾ ਹੋ ਗਿਆ ਹੈ।
ਇਹ ਅੱਗ 17 ਸਕਵੇਅਰ ਕਿਲੋਮੀਟਰ ਦੇ ਦਾਇਰੇ 'ਚ ਬਲ ਰਹੀ ਹੈ।
ਡਿਸਟ੍ਰਿਕਟ ਨੇ ਕੈਰੀਬੂ ਰਿਜਨ 'ਚ 263 ਸਕਵੇਅਰ ਕਿਲੋਮੀਟਰ ਦੇ ਇਲਾਕੇ 'ਚ ਪ੍ਰਾਪਰਟੀਆਂ ਲਈ ਇਵੈਕੂਏਅਸ਼ਨ ਆਰਡਰ ਜਾਰੀ ਕੀਤੇ ਹਨ।
ਯਾਦ ਰਹੇ ਅੱਜ ਸਵੇਰੇ ਹਾਈਵੇ 97 ਦੇ ਦੋਵੇਂ ਪਾਸੇ 100 ਮਾਈਲ ਹਾਊਸ ਦੇ ਕੋਲ 1,000 ਤੋਂ ਵਧੇਰੇ ਪ੍ਰਾਪਰਟੀਆਂ ਲਈ ਇਵੈਕੂਏਸ਼ਨ ਨਿਰਦੇਸ਼ ਜਾਰੀ ਕੀਤੇ ਗਏ ਸਨ।
ਇਸ ਇਲਾਕੇ 'ਚ ਫਲੈਟ ਲੇਕ ਦੇ ਕੋਲ 10 ਸਕਵੇਅਰ ਕਿਲੋਮੀਟਰ ਦੇ ਇਲਾਕੇ 'ਚ ਅੱਗ ਬਲ ਰਹੀ ਹੈ।
ਇਸ ਅੱਗ ਕਾਰਨ ਹਾਈਵੇ 97 ਨੂੰ ਵੀ ਬੰਦ ਕਰ ਦਿੱਤਾ ਗਿਆ ਹੈ।
ਹਾਲਾਂਕਿ ਡਰਾਈਵ ਬੀ.ਸੀ. ਦਾ ਕਹਿਣਾ ਹੈ ਕਿ ਹਾਈਵੇ 5 ਅਤੇ 24 ਦੇ ਰਾਹੀਂ ਇੱਕ ਲੰਮਾ ਡੀ-ਟੂਰ ਉਪਲਬਧ ਹੈ।
