19.54C Vancouver 19.54C VancouverAug 22, 2023 7:40 PM - Connect News
ਮਾਹਰਾਂ ਦਾ ਕਹਿਣਾ ਹੈ ਕਿ ਜੰਗਲੀ ਅੱਗ ਕਰਕੇ ਮੈਟਰੋ ਵੈਨਕੂਵਰ 'ਚ ਫੈਲਿਆ ਧੂੰਆਂ ਜ਼ਹਿਰੀਲਾ ਹੈ ਅਤੇ ਇਹ ਕਈ ਸਿਹਤ ਸਮੱਸਿਆਵਾਂ ਦਾ ਕਾਰਨ ਬਣ ਸਕਦਾ ਹੈ।
ਬਰਨਬੀ ਦੇ ਡਾ. ਸੂਜ਼ਨ ਕਵਾਨ ਦਾ ਕਹਿਣਾ ਹੈ ਕਿ ਹਵਾ ਜ਼ਹਿਰੀਲੇ ਤੱਤਾਂ ਨਾਲ ਭਰੀ ਹੋਈ ਹੈ ਜਿਸ ਨਾਲ ਲੋਕਾਂ ਨੂੰ ਸਾਹ ਲੈਣ 'ਚ ਮੁਸ਼ਕਿਲ ਆਵੇਗੀ, ਚਾਹੇ ਉਹਨਾਂ ਨੂੰ ਸਿਹਤ ਸੰਬੰਧੀ ਸਮੱਸਿਆਵਾਂ ਹੋਣ ਜਾਂ ਨਾ ਹੋਣ।
ਉਹਨਾਂ ਨੇ ਕਿਹਾ ਕਿ ਹਵਾ ਵਿੱਚ ਨਾਈਟ੍ਰਿਕ ਆਕਸਾਈਡ ਅਤੇ ਐਰੋਮੈਟਿਕ ਹਾਈਡਰੋਕਾਰਬਨ ਹੁੰਦੇ ਹਨ, ਅਤੇ ਅਜਿਹੇ ਤੱਤ ਸਰੀਰ ਲਈ ਜ਼ਹਿਰੀਲੇ ਹੁੰਦੇ ਹਨ।
ਇਸ ਨਾਲ ਚਮੜੀ ਦੀ ਜਲਣ, ਅੱਖਾਂ ਵਿਚ ਜਲਣ, ਖੁਜਲੀ, ਦਰਦ ਜਾਂ ਨੱਕ ਵਿਚ ਜਲਣ ਹੋ ਸਕਦੀ ਹੈ।
ਡਾ. ਕਵਾਨ ਦਾ ਕਹਿਣਾ ਹੈ ਕਿ ਇਹਨਾਂ ਸਮੱਸਿਆਵਾਂ ਤੋਂ ਬਚਣ ਲਈ ਆਪਣਾ ਬਾਹਰਲਾ ਸਮਾਂ ਸੀਮਤ ਰੱਖੋ ਅਤੇ ਵੱਧ ਤੋਂ ਵੱਧ ਪਾਣੀ ਪੀਓ।
ਇਸ ਧੂਏਂ ਦਾ ਅਗਲੇ ਦੋ ਦਿਨਾਂ ਤੱਕ ਬਣੇ ਰਹਿਣ ਦੀ ਉਮੀਦ ਹੈ।
