ਰਾਤ ਭਰ ਚੱਲੇ ਤੂਫਾਨ ਕਾਰਨ ਬੀ.ਸੀ. ਹਾਈਡਰੋ ਦੇ ਗ੍ਰਾਹਕ ਬਿਨਾਂ ਬਿਜਲੀ ਦੇ ਰਹਿਣ ਨੂੰ ਹੋਏ ਮਜ਼ਬੂਰ

ਬੀ.ਸੀ. ਸਾਊਥ ਕੋਸਟ ਵਿਚ ਰਾਤ ਭਰ ਚੱਲੇ ਤੂਫਾਨ ਕਾਰਨ ਮੰਗਲਵਾਰ ਸਵੇਰ ਹਜ਼ਾਰਾਂ ਬੀ.ਸੀ. ਹਾਈਡਰੋ ਦੇ ਗ੍ਰਾਹਕਾਂ ਨੂੰ ਬਿਨਾਂ ਬਿਜਲੀ ਦੇ ਰਹਿਣਾ ਪਿਆ। ਰਿਪੋਰਟ ਮੁਤਾਬਕ, ਤੂਫਾਨ ਕਾਰਨ ਸਾਊਥ ਕੋਸਟ ਵਿਚ ਕਈ ਜਗ੍ਹਾ ਦਰਖ਼ਤ ਉਖੜ ਗਏ, ਜਿਸ ਨਾਲ ਬਿਜਲੀ ਲਾਈਨਾਂ ਡਿੱਗ ਗਈਆਂ ਸਨ। ਵੈਨਕੂਵਰ ਆਈਲੈਂਡ ਅਤੇ ਦੱਖਣੀ ਖਾੜੀ ਦੇ ਟਾਪੂ ਤੂਫਾਨ ਨਾਲ ਸਭ ਤੋਂ ਵੱਧ ਪ੍ਰਭਾਵਿਤ ਹੋਏ, ਜਿੱਥੇ ਸਵੇਰੇ 8:30 ਵਜੇ ਤੱਕ 7,000 ਤੋਂ ਵੱਧ ਘਰ ਅਤੇ ਕਾਰੋਬਾਰ ਵਿਚ ਬਿਜਲੀ ਗੁਲ ਸੀ।

ਸਾਨਿਚ ਦੇ ਨਾਲ-ਨਾਲ ਗੈਲਿਅਨੋ, ਮੇਨ, ਸਤੁਰਨਾ ਅਤੇ ਸਾਲਟ ਸਪਰਿੰਗ ਟਾਪੂ ’ਤੇ ਹਜ਼ਾਰਾਂ ਗ੍ਰਾਹਕਾਂ ਦੀ ਬਿਜਲੀ ਬਹਾਲ ਕਰਨ ਲਈ ਕਰਮਚਾਰੀ ਅਜੇ ਵੀ ਕੰਮ ਕਰ ਰਹੇ ਸਨ।

ਬੀ.ਸੀ. ਹਾਈਡਰੋ ਨੇ ਦੱਸਿਆ ਕਿ ਬਿਜਲੀ ਦੀਆਂ ਲਾਈਨਾਂ ’ਤੇ ਦਰੱਖਤ ਡਿੱਗਣ ਕਾਰਨ ਸਪਲਾਈ ਠੱਪ ਹੋਈ। ਉਥੇ ਹੀ, ਇਸ ਵਿਚਕਾਰ ਬੀ.ਸੀ. ਫੈਰੀਜ਼ ਵਲੋਂ ਵੈਨਕੂਵਰ ਆਈਲੈਂਡ ਅਤੇ ਬੀ.ਸੀ. ਮੇਨਲੈਂਡ ਵਿਚਕਾਰ ਪ੍ਰਮੁੱਖ ਮਾਰਗਾਂ ’ਤੇ ਸ਼ਾਮ ਦੀਆਂ ਸੇਲਿੰਗ ਰੱਦ ਕਰ ਦਿੱਤੀਆਂ ਗਈਆਂ ਸਨ।