17.41C Vancouver 17.41C VancouverDec 12, 2022 10:54 PM - The Canadian Press
ਵਿੱਨੀਪੈੱਗ ਤੋਂ ਲਿਬਰਲ ਐਮ.ਪੀ. ਅਤੇ ਸਾਬਕਾ ਕੈਬਿਨੇਟ ਮੰਤਰੀ ਜਿਮ ਕਾਰ ਦਾ ਦੇਹਾਂਤ ਹੋ ਗਿਆ ਹੈ।
ਉਹ 71 ਸਾਲ ਦੇ ਸਨ।
ਵਿਨੀਪੈਗ ਤੋਂ ਐਮ.ਪੀ. ਕੈਵਿਨ ਲੈਮਰੌਕਸ ਨੇ ਹਾਊਸ ਆਫ ਕਾਮਨਜ਼ ਨੂੰ ਕਵਸਚਨ ਪੀਰੀਅਡ ਤੋਂ ਪਹਿਲਾਂ ਅੱਜ ਕੁਝ ਸਮੇਂ ਦਾ ਮੌਨ ਰੱਖ ਜਿਮ ਕਾਰ ਨੂੰ ਸ਼ਰਧਾਂਜਲੀ ਭੇਂਟ ਕਰਨ ਨੂੰ ਕਿਹਾ।
ਇਸ ਤੋਂ ਬਾਅਦ ਸਾਰੀਆਂ ਪਾਰਟੀਆਂ ਨੇ ਅੱਜ ਦੇ ਦਿਨ ਦੀ ਹਾਊਸ ਦੀ ਕਾਰਵਾਈ ਸਸਪੈਂਡ ਕਰਨ 'ਤੇ ਸਹਿਮਤੀ ਜਤਾਈ।
ਕਾਰ ਨੇ ਸਾਲ 2015 ਤੋਂ ਲਿਬਰਲਸ ਲਈ ਵਿਨੀਪੈਗ ਸਾਊਥ ਸੈਂਟਰ ਦੀ ਰਾਈਡਿੰਗ ਦੀ ਨੁਮਾਇੰਦਗੀ ਕੀਤੀ ਸੀ।
ਉਨ੍ਹਾਂ ਸਾਲ 2015 ਤੋਂ 2019 ਦਰਮਿਆਨ ਮਿਨਿਸਟਰ ਆਫ ਨੈਚੁਰਲ ਰਿਸੋਰਸਿਸ ਅਤੇ ਮਿਨਿਸਟਰ ਆਫ ਇੰਟਰਨਲ ਟਰੇਡ ਦੀ ਵੀ ਭੂਮਿਕਾ ਨਿਭਾਈ।
ਸਾਲ 2019 'ਚ ਐਮ.ਪੀ. ਚੁਣੇ ਜਾਣ ਤੋਂ ਇੱਕ ਦਿਨ ਬਾਅਦ ਉਨ੍ਹਾਂ ਨੂੰ ਬਲੱਡ ਕੈਂਸਰ ਤੋਂ ਪੀੜਤ ਪਾਇਆ ਗਿਆ ਸੀ।
ਸਾਲ 2020 'ਚ ਉਨ੍ਹਾਂ ਸਟੈਮ ਸੈਲ ਟ੍ਰਾਂਸਪਲਾਂਟ ਕਰਵਾਇਆ ਸੀ।
ਅੱਜ ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ ਮੈਲਨੀ ਜੋਲੀ ਨੇ ਵੀ ਜਿਮ ਕਾਰ ਨੂੰ ਯਾਦ ਕੀਤਾ ਅਤੇ ਕਿਹਾ ਕਿ ਉਨ੍ਹਾਂ ਨੂੰ ਹਮੇਸ਼ਾ ਇੱਕ ਚੰਗੇ ਸਿਆਸਤਦਾਨ ਵਜੋਂ ਯਾਦ ਕੀਤਾ ਜਾਵੇਗਾ।
